{ முகநூல் கருத்துக்கள்}{ட்விட்டர் கருத்துக்கள்}

ஹஜ் பெருநாளையொட்டி பெருநாளன்றும், அதற்கடுத்த - அய்யாமுத் தஷ்ரீக் என்றழைக்கப்படும் மூன்று நாட்களிலும், ஆடு, மாடு, ஒட்டகம் உள்ளிட்டவற்றை அறுத்துப்பலியிடுவது இஸ்லாம் வலியுறுத்திய ஒரு கிரியையாகும்.

ஆட்டுக்கு ஒருவரும், மாடு மற்றும் ஒட்டகத்திற்கு ஏழு பேரும் பங்குதாரர்களாக இருக்கலாம். அறுக்கப்படும் அப்பிராணிகளின் இறைச்சியை குடும்பத் தேவைக்கு எடுத்துக்கொண்டது போக, உற்றார் - உறவினருக்கும், ஏழை - எளியோருக்கும் அன்பளிப்பாக வழங்கப்படுவது வழமை.

அந்த அடிப்படையில், காயல்பட்டினம் நகரின் பள்ளிவாசல்கள் மற்றும் பொதுநல அமைப்புகள் சார்பாக, கூட்டு முறையில் உள்ஹிய்யா கொடுப்பதற்கான ஏற்பாடுகள் நடைபெற்று வருகிறது.

அதன் ஒரு பகுதியாக, காயல்பட்டினம் குருவித்துறைப்பள்ளி நிர்வாகம் சார்பாக கூட்டு முறையில் உள்ஹிய்யா கொடுக்க ஏற்பாடுகள் செய்யப்பட்டு வருகிறது.

மாடு பங்கு ஒன்றுக்கு ரூ.1400/- என தொகை நிர்ணயிக்கப்பட்டுள்ளது. பங்கு சேர விரும்புவோர், பள்ளி செயலர் அல்லது கணக்கரை (கணக்குப்பிள்ளை) தொடர்புகொண்டு விபரங்களைக் கேட்டறிந்துகொள்ளுமாறும், தம் பங்கை உறுதி செய்திட பணத்தை நேரடியாக செலுத்தி ரசீது பெற்றுக்கொள்ளுமாறும் பள்ளி நிர்வாகம் சார்பில் தெரிவிக்கப்பட்டுள்ளது.