Kayal on the Web

செய்திகள்

செய்தி எண் (ID #) 7956

#KOTW7956

வியாழன், பிப்ரவரி 2, 2012

நபிகள் நாயகம் பிறந்த தினத்தை முன்னிட்டு பிப். 05 அன்று மதுபானக் கடைகளை மூட மாவட்ட் ஆட்சியர் உத்தரவு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4611 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 3)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

நபிகள் நாயகம் பிறந்த தினத்தை முன்னிட்டு இம்மாதம் 05ஆம் தேதியும், வடலூர் இராமலிங்கர் எனும் வள்ளலார் நினைவு தினத்தை முன்னிட்டு இம்மாதம் 07ஆம் தேதியும் தூத்துக்குடி மாவட்டத்திலுள்ள மதுபானக் கடைகளனைத்தையும் மூட, மாவட்ட ஆட்சியர் ஆஷிஷ் குமார் உத்தரவிட்டுள்ளார்.

இதுகுறித்து, மாவட்ட ஆட்சியரகத்திலிருந்து வெளியிடப்பட்டுள்ள செய்திக்குறிப்பு பின்வருமாறு:-

நபிகள் நாயகம் பிறந்த தினம் (மீலாடி நபி தினம்) 05.02.2012 மற்றும் வடலூர் இராமலிங்கர் நினைவு நாள் (வள்ளலார் நினைவு தினம்) 07.02.2012 ஆகிய இரு தினங்களை முன்னிட்டு, தமிழ்நாடு மதுபான சில்லறை விற்பனை (கடை/பார்) விதிகள் 2003 விதி 12 துணை விதி (1)இன்படி அனைத்து டாஸ்மாக் மதுபானக் கடைகளும் அதனுடன் இணைந்த பார்களும் மூடப்பட்டிருக்க வேண்டும்.

மேற்படி நாளில் மதுபான விற்பனை தடை செய்யப்பட்டுள்ளதால், அன்றைய தினம் மதுபான விற்பனை நடைபெறக்கூடாது. மேலும் டாஸ்மாக் பார்கள் எதுவும் செயல்படக் கூடாது.

மேற்குறிப்பிட்ட தினத்தில் மதுபான விற்பனை, மதுபானத்தை ஓரிடத்திலிருந்து மற்றொரு இடத்திற்குக் கடத்துதல், மதுபானத்தைப் பதுக்கி வைத்தல் போன்ற செயல்கள் கண்டறியப்பட்டால், சம்பந்தப்பட்ட நபர்கள் மீது தமிழ்நாடு மதுவிலக்கு அமலாக்கச் சட்டத்தின் கீழ் குற்றவியல் நடவடிக்கை மேற்கொள்ள்ப்படும் என தெரிவிக்கப்படுகிறது.

இவ்வாறு அந்த செயதிக்குறிப்பில் தெரிவிக்கப்பட்டுள்ளது.

{TAGS} meeladun nabi meeladi nabi meelad 1433 tasmac ban for alcohol collector ashish kumar collectorate meelad hijri 1433

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:நபிகள் நாயகம் பிறந்த தினத...
posted by SEYED ALI (ABUDHABI) [02 February 2012]
IP: 195.*.*.*

United Arab Emirates | Comment Reference Number: 16445

என்று தணியும் இந்த போதையின் தாகம். என்றைக்கு இந்த நாட்டில் மீண்டும் மதுவிலக்கு வருமோ.

Moderator: Comment edited!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:நபிகள் நாயகம் பிறந்த தினத...
posted by OMER ANAS (DOHA QATAR.) [02 February 2012]
IP: 78.*.*.*

Qatar | Comment Reference Number: 16450

நபிகள் நாயகம் முகம்மது நபி(ஸல்) அலைஹி வஸல்லம் அவர்களின் பிறந்த நாள் நிகழ்ச்சிக்கு வேண்டி மதுக்கடைகளை திறக்காதும்,மற்றும் வள்ளலாரின் நினைவுதினத்தை முன்னிட்டு,அதேபோல் மதுபான கடைகளை திறக்காது இருக்க கடுமையான உத்திரவு இட்ட ஆசிஷ் குமார் அவர்களுக்கு மிக்க நன்றி!

அதே நேரம் எங்களின் உத்தம நபிகள் நாயகம் முகம்மது நபி(ஸல்) அலைஹி வஸல்லம் அவர்கள் நிரந்தரமாக இதுபோன்ற மது, சூது, கொலைகளவு,காமம்,கொடும் வட்டியும் கூடாது என்று நிரந்தரமாக ஒழித்துக் கட்ட சொல்லி உள்ளார்கள்!

இதன் கொடுமையினை தமிழ் நாடு அரசும் புரிந்து சட்டம் போட்டால், மக்கள் சந்தோசமாக வாழ்வார்கள்! தனக்கு என்று தேவையே இல்லா புரட்சித் தலைவன், அதே வழியில் வந்த தலைவி, இனியும் தாமதியாமல் மக்களின் நன்மை கருதி சட்டம் இயற்றினால் நம் நாடு நிச்சயம் சுபிட்சம் அடையும்!

Moderator: Comment edited!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:நபிகள் நாயகம் பிறந்த தினத...
posted by M.N.L.முஹம்மது ரஃபீக்,ஹிஜாஸ் மைந்தன். (காயல்பட்டணம்.) [02 February 2012]
IP: 180.*.*.*

India | Comment Reference Number: 16461

நபிகள் நாயகம் பிறந்த தினத்தை முன்னிட்டு மதுபானக் கடைகளை மூட மாவட்ட ஆட்சியர் உத்தரவு! -என்பதை விட, பூரண மது விலக்கு அமுலுக்கு வந்தது என்று இந்திருந்தால் நபிகள் நாயகத்தை உண்மையில் பெருமை படுத்தியதாக இருந்திருக்கும்!

அரசு எப்போதெல்லாம் மதுக்கடையை மூட உத்தரவு இடுகின்றதோ? அப்போதெல்லாம் படு ஜோராக இரட்டிப்பு விலையில் ஒளித்து வைத்து விற்பனை செய்து குடிமக்களின்(?) அத்தியாவசியத் தேவைகள்(?) நிறைவேற்றப்படுவது தானே வழக்கம்!அரசாங்கமே சரக்கு விற்ற வருமானத்தில் தான் நிலை நிற்கின்றது என்றால், இந்தக் கொடுமையை எங்கேப் போய் சொல்வது?

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. பூரண மதுவிலக்கு திட்டம்
posted by M.S.Kaja Mahlari. (Singapore.) [03 February 2012]
IP: 220.*.*.*

Singapore | Comment Reference Number: 16467

இஸ்லாமிய ஆட்சி நமது நாட்டில் நடைபெற்றால் இறையருளால் பூரண "மதுவிலக்கு" திட்டத்தை செயல்படுத்திடும் சாத்தியங்கள் ஏற்படும்.

இருந்தாலும் "நபிகள் நாயகத்தின் பிறந்த தின விழா " (மீலாத் நபி) வை முன்னிட்டு இந்த அறிவிப்பு கூட வருகிறதே என நினைத்து சந்தோசப்படலாம். இதற்காக மாவட்ட ஆட்சியரை பாராட்டலாம்.

இருந்தாலும் இன்று உலகில் எத்தனையோ மாற்றங்கள் நடைபெற்றுவரும் இக்காலத்தில் இந்திய ஆட்சியாளர்கள் ஆராய்ந்து "நமது நாட்டில் " பூரண மதுவிலக்கு திட்ட்டத்தை அமுல் செய்ய துவங்க வேண்டும்.

ஒரேயடியாக சாதிக்க முடியவில்லை எனில் "நபிகள் நாயகத்தின் " காலத்தில் ஆரம்பமாக மதுவிலக்கு படிப்படியாக ,கட்டம் கட்டமாக செயல்படுத்தியது போன்று நமது நாட்டிலும் செயல்படுத்த அனைவரும் முன்வரவேண்டும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்