இறைத்தூதர் நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்த தினத்தை முன்னிட்டு, காயல்பட்டினம் மஹ்ழரத்துல் காதிரிய்யா சபையில் 05.02.2012 அன்று (நாளை) மீலாத் விழா நடைபெறுகிறது.
முன்னதாக, காயல்பட்டினம் நெய்னார் தெரு ஹலீமா பெண்கள் தைக்காவில், 28.01.2012 அன்று மகளிருக்கான பேச்சுப்போட்டியும், 29.01.2012 அன்று மகளிருக்கான ஹிஃப்ழுப் போட்டியும் நடைபெற்று முடிந்துள்ளது.
மஹ்ழரா அரபிக்கல்லூரி மாணவர்களுக்கான பேச்சுப் போட்டி, மஹ்ழரா வளாகத்தில் 01.02.2012 அன்று நடைபெற்றது. 02, 03 தேதிகளில் மஹ்ழரா குர்ஆன் மத்ரஸா மாணவ சிறாரின் பல்சுவை சன்மார்க்கப் போட்டிகள் நடைபெற்று முடிந்துள்ளன.
நாளை மீலாது விழா நடைபெறுகிறது. மாலையில் நடைபெறும் வெளிமேடை நிகழ்ச்சியில், சேலம் சூரமங்கலம் நூருல் இஸ்லாம் அரபிக்கல்லூரியின் பேராசிரியர் மவ்லவீ எம்.முஹம்மத் அபூதாஹிர் பாக்கவீ, மாநிலங்களவையின் முன்னாள் உறுப்பினர் கம்பம் பெ.செல்வேந்திரன் ஆகியோர் சிறப்பு விருந்தினர்களாகக் கலந்துகொண்டு சிறப்புரையாற்றவுள்ளனர்.
இந்நிகழ்ச்சிகள் அனைத்தும், காயல்பட்டினம் உள்ளூர் தொலைக்காட்சியான முஹ்யித்தீன் டிவியிலும், அதன் வலைதளத்திலும் நேரலை செய்யப்படுகிறது.
இந்நேரலை நிகழ்ச்சியை, www.kayal.tvயின் முஹ்யித்தீன் டிவிக்கான சிறப்புப் பக்கத்திலும் காணலாம். |
