இறைத்தூதர் நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்த தினத்தை முன்னிட்டு ரபீஉல் அவ்வல் மாதம் முதல் 12 தினங்களில், காயல்பட்டினம் நகர பள்ளிவாசல்கள் பலவற்றிலும், பெண்கள் தைக்காக்களிலும் மவ்லித் மஜ்லிஸ் நடத்தப்படுவது வழமை.

அந்த அடிப்படையில், இவ்வாண்டு ரபீஉல் அவ்வல் மாதத்தை முன்னிட்டு, காயல்பட்டினம் குருவித்துறைப்பள்ளி, காதிரிய்யா கொடிமர சிறுநெய்னார் பள்ளி, அஹ்மத் நெய்னார் பள்ளி, மஸ்ஜித் மீக்காஈல் - இரட்டைக் குளத்துப் பள்ளி, முஹ்யித்தீன் பள்ளி, அல்ஜாமிஉல் கபீர் - பெரிய குத்பா பள்ளி, அல்ஜாமிஉஸ் ஸகீர் - சிறிய குத்பா பள்ளி, கோமான் மொட்டையார் பள்ளி, ஹாஃபிழ் அமீர் பள்ளி, ஆறாம்பள்ளி, புதுப்பள்ளி உள்ளிட்ட பள்ளிவாசல்களிலும், குத்பிய்யா மன்ஸிலிலும், பெண்கள் தைக்காக்களிலும் கடந்த 24.01.2012 அன்று துவங்கி, 04.02.2012 தேதி வரை தினமும் இரவு மஃரிப் தொழுகைக்குப் பின் மவ்லித் மஜ்லிஸ் நடத்தப்பட்டது. குருவித்துறைப் பள்ளியில் தினமும் மவ்லித் மஜ்லிஸ் நிறைவுற்ற பின்னர் மார்க்க சொற்பொழிவும் நடைபெற்றது.

கடைசி நாளான 04.02.2012 அன்று சில இடங்களில் மவ்லித் மஜ்லிஸ் விமரிசையாக நடத்தப்பட்டு, நேர்ச்சை வினியோகிக்கப்பட்டமை குறிப்பிடத்தக்கது.