{ முகநூல் கருத்துக்கள்}{ட்விட்டர் கருத்துக்கள்}

சித்தன் தெரு அருகில் - தோட்டம் ஒன்றில் உள்ள கிணறு ஒன்றில் இன்று (பிப்ரவரி 25) காலை ஒருவரின் பிணம் கண்டெடுக்கப்பட்டது. 40 வயது மதிக்கத்தக்க அந்த நபரின் பெயர் சங்கர் என கூறப்படுகிறது.

இவர் சுமார் 20 ஆண்டுகளாக நகரில் கூலி வேலை செய்து வருவதாக தெரிகிறது. சில தினங்களாக உடல் நலக்குறைவாக இருந்து வந்ததாக கூறப்படுகிறது.அவரிடம் அரசு மருத்துவமனையில் சிகிச்சை பெற்ற மருத்துவ சீட்டும் இருந்தது.

இரு தினங்களுக்கு முன் பலகியவர்களிடம் தனது தாயை பார்க்க செல்ல பணம் கேட்டதாகவும் உடல்நிலை சரியான பின் செல்லலாம் என்று கூறியிருக்கின்றனர். திருக்குறுங்குடியைச் சேர்ந்தவர் என்றும் அவரது தந்தை சங்கர்நகரில் அங்குள்ள ஆலையில் பணியாற்றி ஓய்வு பெற்றவர் என்ற விபரம் மட்டுமே தெரிய வந்துள்ளது.

கிணற்றில் இருந்து உடலை மீட்ட போலீசார் - ஆறுமுகநேரி காவல்நிலைய ஆய்வாளர் பார்த்திபன் தலைமையில் விசாரணை மேற்கொண்டு வருகின்றனர்.





கூடுதல் தகவல்:
தினமணி

[செய்தி திருத்தப்பட்டது / புகைப்படங்கள் இணைக்கப்பட்டது @ 10:00/25.2.2012]