{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியின் மூன்றாவது பட்டமளிப்பு விழா, இம்மாதம் 17ஆம் தேதி (நாளை) நடைபெறுகிறது. இதுகுறித்து, அக்கல்லூரியின் இணைச் செயலாளர் ஹாஜி வாவு எஸ்.ஏ.ஆர்.அஹ்மத் இஸ்ஹாக் வெளியிட்டுள்ள அறிக்கை பின்வருமாறு:-

வாவு வஜீஹா வனிதையர் கல்லூரியில் மூன்றாவது பட்டமளிப்பு விழா, இன்ஷாஅல்லாஹ் இம்மாதம் 17ஆம் தேதி காலை 11.00 மணியளவில் நடைபெறவுள்ளது.

கல்லூரி நிறுவனர் தலைவர் அல்ஹாஜ் வாவு செய்யிது அப்துர் ரஹ்மான் அவர்கள் தலைமை தாங்குகிறார்கள். சிறப்பு விருந்தினராக மனோன்மணியம் சுந்தரனார் பல்கலைக் கழகத்தின் முன்னாள் பதிவாளர் பேராசிரியர் K.A. மணிக்குமார் அவர்கள் மாணவியருக்கு பட்டய சான்றிதழ்கள் வழங்கி பட்டமளிப்பு விழா உரை நிகழ்த்த இருக்கிறார்கள்.

இவ்வருடம் எம் கல்லூரியில்
ஆங்கிலத் துறையில் இளங்கலை நிலையில் (B.A., Eng. Lit.) - 32 பேர்,
முதுகலையில் (M.A., Eng. Lit.) - 6 பேர்,
வணிக நிர்வாகவியல் (B.B.A.) துறையில் - 33 பேர்,
கணிதவியல் (B.Sc., Maths) துறையில் - 23 பேர்,
கணிப்பொறியியல் (B.Sc., Computer Science) துறையில் - 38 பேர்,
v தகவல் தொழிற்நுட்பத் துறையில் (B.Sc., Information Technology) - 35 பேர்,
வணிகவியல் (B.Com.) துறையில் - 44 பேர்
என மொத்தம் 211 மாணவிகள் பட்டம் பெறவுள்ளனர்.

எம் கல்லூரி மாணவிகள் பல்கலைக்கழக தரவரிசையில் (University Rank 2010- 2011) இடம் பெற்றோர் விபரம்:-

பகுதி – I அரபி பாடத்தில் கணிதவியல் துறையைச் சார்ந்த மாணவி S.J. கதீஜா ரிஷானா முதலாவது இடத்தையும் (University Gold Medalist), S.D.N. நூர் சுலைஹா 2ஆவது இடத்தையும், M.S. ஆமீனா சித்திகா 3ஆவது இடத்தையும், S.I. செய்யது பாத்திமா சபினா 4ஆவது இடத்தையும் பெற்றுள்ளனர்.

பகுதி – I தமிழ் பாடத்தில் கணிதவியல் துறையைச் சார்ந்த S. முகம்மது நூகு ஜென்னா 20ஆவது இடத்தைப் பெற்றுள்ளார்.

பகுதி – II ஆங்கிலப்பாடத்தில் கணிதவியல் துறையைச் சார்ந்த S.J. கதீஜா ரிஸானா 10ஆவது இடத்தையும், ஆங்கிலத்துறை S. அனிஷ் பாத்திமா 11ஆவது இடத்தையும் பெற்றுள்ளனர்.

ஆங்கிலம் முதன்மைப்பாடத்தில் S.அனிஷ் பாத்திமா 7ஆவது இடத்தை பெற்றுள்ளார். வணிகவியல் பாடத்தில் K.M.L. பாத்திமா ஷிரீன் பர்ஹத், S.M. பாத்திமா பர்ஹானா ஆகியோர் முறையே 3ஆம், 7ஆம் இடத்தைப் பெற்றுள்ளனர்.

வணிக நிர்வாகவியல் பாடத்தில் M.S. சூஃபி பஸில்லா 14ஆவது இடத்தையும், R.S.H. பாத்திமா 16ஆவது இடத்தையும் பெற்றுள்ளனர்.

கணிப்பொறியியல் பாடத்தில் K. ராபியா சஃப்ரின், M.S. மரியம் முஜிபா ஆகியோர் முறையே 15ஆம், 20ஆம் இடத்தை பெற்றுள்ளனர்.

தகவல்தொழில் நுட்பம் பாடத்தில் ராஷிதா சேக் 2ஆம், இடத்தையும், J. கதிஜத்து நூரியா 14ஆம் இடத்தையும் மற்றும் M. இமாம் ரமிஸா 17ஆம் இடத்தையும் பெற்று எம் கல்லூரிக்குப் பெருமை சேர்த்துள்ளனர்.

இவ்வாறு, வாவு வஜீஹா வனிதையர் கல்லூரியின் இணைச் செயலாளர் ஹாஜி வாவு எஸ்.ஏ.ஆர்.அஹ்மத் இஸ்ஹாக் தனதறிக்கையில் தெரிவித்துள்ளார்.