{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்ட மாணவ, மாணவிகள் திருக்குறள் பிழையின்றி எழுதும் போட்டியில் பங்கேற்கலாம் என கோட்டைகருங்குளம் அய்யன் திருவள்ளுவர் கல்வி மற்றும் பொதுச்சேவை அறக்கட்டளை நிறுவனர் கல்யாணசுந்தரம் தெரிவித்துள்ளார்.

இதுகுறித்து அவர் வெளியிட்ட அறிக்கை பின்வருமாறு:-

இந்த அறக்கட்டளை சார்பில் மாணவிகளுக்கு 1330 திருக்குறள் பிழையின்றி எழுதும் போட்டி நடத்தப்படுகிறது. இப்போட்டியில் பங்கேற்க தூத்துக்குடி மாவட்டத்திலுள்ள அரசு மற்றும் அரசு உதவி பெறும் பள்ளிகளின் தலைமை ஆசிரியர்கள் மற்றும் மெட்ரிக்குலேசன் பள்ளிகளின் முதல்வர்கள், தங்கள் பள்ளியில் 9 வகுப்பு பயிலும் மாணவர்கள் 1330 திருக்குறளையும் பார்த்து பிழையின்றி எழுதி வரும் 30.4.12 க்குள் அனுப்பலாம்.

இதில் வெற்றி பெறுவர்களுக்கு முதல் பரிசாக ரூ.500 தொகையும், இரண்டாம் பரிசாக ரூ.300 தொகையும், மூன்றாம் பரிசாக ரூ.200 தொகையும் வழங்கப்பட உள்ளது. வெற்றி பெற்றவர்கள் விபரம் 15.05.2012ஆம் தேதி தெரிவிக்கப்படும்.

போட்டியில் பங்கேற்க விரும்பும் மாணவ-மாணவியர்,
ஒருங்கிணைப்பாளர்,
அய்யன் திருவள்ளுவர் கல்வி மற்றும் பொதுச்சேவை அறக்கட்டளை,
தெற்குதெரு கோட்டைக்கருங்குளம்,
ராதாபுரம் தாலுகா
என்ற முகவரிக்கு அனுப்பலாம். 04637 & 201216 என்ற எண்ணிலும் தொடர்பு கொண்டு விபரங்கள் பெறலாம். இவ்வாறு அவர் தனதறிக்கையில் தெரிவித்துள்ளார்.

நன்றி:
தூத்துக்குடி ஆன்லைன்