{ முகநூல் கருத்துக்கள்}{ட்விட்டர் கருத்துக்கள்}

அல்அமீன் இளைஞர் நற்பணி மன்றத்தின் சார்பில் முப்பெரும் விழா நடத்தப்படவுள்ளது. விழாவையொட்டி நடத்தப்படும் மருத்துவ இலவச முகாமுக்கு முன்பதிவு துவங்கியுள்ளது.

இதுகுறித்து, அல்அமீன் இளைஞர் நற்பணி மன்றத்தின் சார்பில் வெளியிடப்பட்டள்ள அறிக்கை பின்வருமாறு:-

முப்பெரும் விழா:
காயல்பட்டினம் சதுக்கைத் தெருவிலியங்கி வரும் அல்அமீன் இளைஞர் நற்பணி மன்றத்தின் சார்பில், பூமான் நபியின் புனித பிறந்த நாள் பெருவிழா,

குவலயம் போற்றும் குத்பு நாயகம் கவ்துல் அஃலம் ரழியல்லாஹு அன்ஹு நினைவு நாள் விழா,

எம் மன்ற 24ஆம் ஆண்டு துவக்க விழா

ஆகிய விழாக்கள், இன்ஷாஅல்லாஹ் எதிர்வரும் 25.03.2012 ஞாயிற்றுக்கிழமை காலை முதல் இரவு வரை நடைபெறுகிறது. இவ்விழாவை முன்னிட்டு, மருத்துவ இலவச முகாமும் நடத்தப்படுகிறது.

அதிகாலை நிகழ்ச்சிகள்:
25.03.2012 அன்று அதிகாலை சுப்ஹு தொழுகைக்குப் பின், எம் சங்கத்தின் மறைந்த முன்னோடிகள் பெயரில் கத்முல் குர்ஆன் ஓதி, ஈஸால் தவாப் செய்யப்படும்.

காலை 07.00 மணிக்கு, பூமான் நபியின் புகழ்பாடும் புனித மவ்லித் மஜ்லிஸ், ஜனாப் என்.எஸ்.ஏ.சுல்தான் ஜமாலுத்தீன் தலைமையில் நடைபெறும்.

மருத்துவ பரிசோதனை இலவச முகாம்:
அன்று காலை 09.00 மணி முதல் மாலை 04.00 மணி வரை, காயல்பட்டினம் சென்ட்ரல் மேனிலைப்பள்ளியில், பின்வருமாறு மருத்துவ பரிசோதனை இலவச முகாம் நடைபெறுகிறது:-

நெல்லை அகர்வால் கண் மருத்துவமனையுடன் இணைந்து, அதன் தலைமை மருத்துவ அதிகாரி டாக்டர் டி.லியோனல் ராஜ் தலைமையில் கண் பரிசோதனை முகாம்...

நெல்லை சார்லி பல் மருததுவமனையுடன் இணைந்து, டாக்டர் சார்லஸ் ப்ரேம்குமார் தலைமையில் பல் மருத்துவ பரிசோதனை முகாம்...

டாக்டர் எம்.என்.செய்யித் முஹ்யித்தீன் அவர்களுடன் இணைந்து, சித்த மருத்துவ பரிசோதனை முகாம்...

டாக்டர் எஸ்.இ.முஹம்மத் லெப்பை அவர்களுடன் இணைந்து, அக்குப்ரஷர் மருத்துவ பரிசோதனை முகாம்...

நமதூர் ரியல் ஹெல்த் அக்குபஞ்சர் க்ளினிக் உடன் இணைந்து, டாக்டர் முஹம்மத் ஆஷிக் தலைமையில், அக்குபஞ்சர் மருத்துவ பரிசோதனை முகாம்...

ஆகிய மருத்துவ பரிசோதனை முகாம்கள் நடத்தப்படுகின்றன.

ஹாஜி என்.எம்.இ.மானாத்தம்பி, ஜனாப் ஜே.ஹைதர் அலீ, ஜனாப் பி.எம்.என்.செய்யித் அப்துர்ரஹ்மான், ஜனாப் எம்.ஏ.கே.அப்துல் அஜீஸ் ஆகியோர் முன்னிலையில், காயல்பட்டினம் சென்ட்ரல் பள்ளிகளின் தாளாளரும், கே.எம்.டி. மருத்துவமனையின் செயலருமான ஹாஜி வாவு எம்.எம்.முஃதஸிம் முகாமைத் துவக்கி வைக்கிறார்.

மேடை நிகழ்ச்சிகள்:
அன்று மாலை 04.30 மணி முதல், இரவு 10.00 மணி வரை மேடை நிகழ்ச்சிகள் காயல்பட்டினம் பெரிய சதுக்கை வளாகத்தில் நடைபெறுகிறது. இதில், திருவிதாங்கோடு ஜாமிஉல் அன்வர் அரபிக்கல்லூரியின் பேராசிரியர் மவ்லவீ ஹாஃபிழ் எம்.நிஜாமுத்தீன் அஹ்ஸனீ சிறப்பு விருந்தினராகக் கலந்துகொண்டு, சிறப்புரையாற்றுகிறார்.

நேர்ச்சையுடன் நிகழ்ச்சிகள் நிறைவுறும். பொதுமக்கள் இவ்வினிய நிகழ்ச்சிகளனைத்திலும் பங்கேற்று பயனடைய எமது அல்அமீன் இளைஞர் நற்பணி மன்றத்தின் சார்பில் அன்புடன் அழைக்கிறோம்.

மருத்துவ பரிசோதனை முகாம் பெயர் முன்பதிவு:
மருத்துவ பரிசோதனை முகாமுக்கான பங்கேற்பாளர்கள் எண்ணிக்கை வரையறுக்கப்பட்டுள்ளது. பெயர் முன்பதிவு துவங்கிவிட்டது.



முன்பதிவு செய்தவர்களுக்கு மட்டுமே முகாமில் மருத்துவ பரிசோதனை செய்யப்படவுள்ளதால், விருப்பமுள்ளோர் எமது அலுவலகத்தில் விரைவாக தமது பெயர்களை முன்பதிவு செய்துகொள்ள கேட்டுக்கொள்ளப்படுகிறீர்கள்.

இவ்வாறு, அல்அமீன் இளைஞர் நற்பணி மன்றம் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.