{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியின் பொது நிதி திட்டத்தின் கீழ் 17 லட்சத்து, 53 ஆயிரம் ரூபாய் மதிப்பீட்டில் 7 பணிகளுக்கு டெண்டர் அறிவிப்பு வெளியிடப்பட்டுள்ளது. டெண்டர் விண்ணப்பங்கள் ஏப்ரல் 23 வரை வழங்கப்படும். ஏப்ரல் 24 அன்று மாலை 3:30 மணிக்கு நகராட்சி வளாகத்தில் பெறப்பட்ட விண்ணப்பங்கள் திறக்கப்படும்.

இது குறித்த விளம்பரம் தினத்தந்தி நாளிதழின் திருநெல்வேலி பதிப்பில் ஏப்ரல் 5 அன்று வெளிவந்துள்ளது.



அறிவிக்கப்பட்டுள்ள பணிகளின் சாராம்சம் வருமாறு:-

(1) நகராட்சிப்பகுதிகளில் தேவையான இடங்களில் வேகத்தடை அமைத்தல் (மதிப்பு: ரூபாய் 60,000)

(2) தபால் நிலையம் அருகில் உள்ள சேதமடைந்த பயணிகள் நிழற்குடையை இடித்து அகற்றுதல (மதிப்பு: ரூபாய் 3,000)

(3) நகராட்சிப்பகுதிகளில் உள்ள சேதமடைந்த குடிநீர் வால்வு தொட்டிகளை இடித்துவிட்டு புதிய வால்வுதொட்டிகள் கட்டுதல (மதிப்பு: ரூபாய் 7,00,000)

(4) சிவன்கோயில் தெரு மயான சாலையில் சிறுபாலம் கட்டுதல் (மதிப்பு: ரூபாய் 4,00,000)

(5) கே.எம்.டி மருத்துவமனை அருகில் உள்ள மழைநீர் வடிகால் ஓடையில் இருபுறமும் (கிழக்கு மற்றும் மேற்கு) தடுப்புச்சுவர் கட்டுதல் (மதிப்பு: ரூபாய் 2,40,000)

(6) நகராட்சி பேரூந்து நிலையத்தில் அமைந்துள்ள சுகாதார வளாகத்தை மேம்பாடு செய்தல் (மதிப்பு: ரூபாய் 1,50,000)

(7) நகராட்சிப் பகுதிகளில் உள்ள குடிநீர் விநியோகப் பராமரிப்பு பணிக்குத் தேவையான வால்வுகள் சப்ளை (எண்ணிக்கை - 62) (மதிப்பு: ரூபாய் 2,00,000)

அறிவிக்கப்பட்ட டெண்டர்கள் குறித்த முழு விபரங்கள் காயல்பட்டணம்.காம் இணையதளத்தின் நகராட்சி பிரிவின் டெண்டர்கள் பகுதியில் உள்ளது.