{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியில் புதிதாக துப்புரவு பணிகளுக்கு தேவையான பொருட்களுக்கு டெண்டர் அறிவிப்பு சில தினங்களுக்கு முன் வெளியிடப்பட்டது. சுமார் 40 லட்சம் ரூபாய் மதிப்பிலான இப்பணிகளுக்கான ஒப்பந்த புள்ளிகள் - ஏப்ரல் 10 வரை பெறப்பட்டு, அன்றே முடிவுகளும் அறிவிக்கப்படும் எனவும் தெரிவிக்கப்பட்டிருந்தது.

இந்த டெண்டர் அறிவிப்பில் பல அரசு விதிமுறைகள் பின்பற்றப்படவில்லை என காயல்பட்டணம்.காம் - ஏப்ரல் 2 அன்று - காயல்பட்டினம் நகராட்சியில் தொடர்ந்து மீறப்படும் டெண்டர்கள் குறித்த விதிமுறைகள்! என்ற தலைப்பில் செய்தி வெளியிட்டிருந்தது.

அதனை தொடர்ந்து - அறிவிக்கப்பட்ட டெண்டர் - 03.05.2012 என்ற புதிய தேதிக்கு மாற்றப்பட்டதாக அறிவிக்கப்பட்டது.

மே 3 அன்று நடைபெறவுள்ள டெண்டரில் Dumber Placer Bin, Dumber Placer Vehicle மற்றும் Push and Pull Carts ஆகிய பொருட்களுக்கு டெண்டர் விண்ணப்பங்கள் பெறப்படும்.

இதற்கு முன்னர் நகராட்சி மூலம் வெளியிடப்பட்ட அறிவிப்பில் தேவைப்படும் Dumber Placer Bin குறித்து முழு தகவல் வெளியிடப்படவில்லை. பார்க்கவும் இங்கே.

இன்று நகர்மன்றங்களுக்கு பொதுவான டெண்டர்கள் இணையதளத்தில் - புதிய தேதியுடன், டெண்டர்கள் விபரங்கள் பதிவேற்றம் செய்யப்பட்டுள்ளது. அதில் Dumber Placer Bin குறித்த கூடுதல் தகவலும் வெளியிடப்பட்டுள்ளது. பார்க்கவும் இங்கே.