{ முகநூல் கருத்துக்கள்}{ட்விட்டர் கருத்துக்கள்}

பிளஸ் 2 தேர்வு முடிவுகள் மே 22-ம் தேதி காலை 11 மணிக்கு வெளியிடப்படும் என பள்ளிக் கல்வித் துறை அமைச்சர் என்.ஆர்.சிவபதி அறிவித்துள்ளார்.

பிளஸ் 2 தேர்வு மார்ச் 8 முதல் 30-ம் தேதி வரை நடைபெற்றன. தமிழகம் முழுவதும் சுமார் 8.2 லட்சம் மாணவ, மாணவியர் இந்தத் தேர்வை எழுதினர். தேர்வு விடைத்தாள்கள் திருத்தும் பணி ஏப்ரல் 2 முதல் 30-ம் தேதி வரை தமிழகம் முழுவதும் 47 மையங்களில் நடைபெற்றது.

வழக்கமாக தொடங்குவதை விட, இந்த ஆண்டு பிளஸ் 2 பொதுத்தேர்வு ஒரு வாரம் தாமதமாகத் தொடங்கியது. அதன் காரணமாக, இந்த ஆண்டு சற்று தாமதமாக முடிவுகள் வெளியிடப்படுகின்றன.

கடந்த ஆண்டு மே 9-ம் தேதி பிளஸ் 2 தேர்வு முடிவு வெளியிடப்பட்டது குறிப்பிடத்தக்கது.

காயல்பட்டணம்.காம் இணையதளத்தை நடத்தும் தி காயல் பர்ஸ்ட் டிரஸ்டின் மற்றொரு இணையதளமான ToppersTalk.com இணையதளத்தில் தேர்வு முடிவுகள் - அதிகாரப்பூர்வமாக - வெளியிடப்படும்.