Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
1:04:50 PM
செவ்வாய் | 20 ஆகஸ்ட் 2019 | துல்ஹஜ் 19, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5512:2715:3818:3719:50
Sunrise/Sunset timing for Kayalpatnamஉதயம்06:10Moonrise/Moonset timing for Kayalpatnamஉதயம்21:56
மறைவு18:32மறைவு09:39
Morning Twilight
வானியல்கடல்சமூகம்
04:5805:2305:48
உச்சி
12:21
Evening Twilight
சமூகம்கடல்வானியல்
18:5419:1919:44
Go to Homepage
செய்திகள்
Previous News ItemNext News Item
செய்தி எண் (ID #) 8413
#KOTW8413
Increase Font Size Decrease Font Size
திங்கள், மே 7, 2012
தம்மாம் காயல் நற்பணி மன்றத்தின் 62ஆவது பொதுக்குழுக் கூட்ட நிகழ்வுகள்! புதிய துணைத்தலைவராக சாளை ஜியாவுத்தீன் தேர்வு!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2807 முறை பார்க்கப்பட்டுள்ளது | வாசகர் கருத்துக்கள் காண (22) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

சஊதி அரபிய்யா - தம்மாம் காயல் நற்பணி மன்றத்தின் பொதுக்குழுக் கூட்டத்தில், அதன் புதிய துணைத் தலைவராக சாளை ஜியாவுத்தீன் தேர்ந்தெடுக்கப்பட்டுள்ளார். கூட்ட நிகழ்வுகள் குறித்து, அம்மன்றத்தின் சார்பில் வெளியிடப்பட்டுள்ள அறிக்கை பின்வருமாறு:-

எல்லாம்வல்ல அல்லாஹ்வின் நல்லருளால் எமது தம்மாம் காயல் நற்பணி மன்றத்தின் 62ஆவது பொதுக்குழுக் கூட்டம், 04.05.2012 வெள்ளிக்கிழமையன்று பாலப்பா அஹ்மத் இல்லத்திலுள்ள நீண்ட உள்ளரங்கில் மக்ரிப் தொழுகைக்குப் பின் நடைபெற்றது.





உறுப்பினர் ஷாதுலீ இறைமறை ஓதி கூட்டத்தைத் துவக்கி வைத்தார். உறுப்பினர் கே.டி.பாதுல் அஸ்ஹப் அனைவரையும் வரவேற்றுப் பேசினார்.

தலைமையுரை:
அடுத்து, மன்றத் தலைவர் டாக்டர் இத்ரீஸ் தலைமையுரையாற்றினார். இதுநாள் வரையிலும் நற்பணி மன்றம் செவ்வனே நடந்தேற ஒன்றுபட்ட கருத்துகளுடன் உறுதுணையாய் நின்ற அனைத்து சகோதர்களையும் நெஞ்சார்ந்த நன்றியுடன் நினைவு கூர்வதாக அவர் தெரிவித்தார்.



ஆடம்பரமோ, ஆரவாரமோ இல்லாமல் இத்தனை காலம் இம்மன்றம் ஆற்றிய பணிகளையும் இன்றைய தேதியில் உலகளாவிய அளவில் நம் காயல் நற்பணி மன்றங்கள் உருவாவதற்கு ஒரு உந்துதலாகவும் முன்னோடியாகவும் விளங்கிய மாண்பினையும் விரிவாக எடுத்துரைத்தார்.

மேலும் இந்த மன்றம் ஆற்றி வரும் நற்பணிகளைக் கண்டு வியந்து, திருச்சியைச் சார்ந்த - இஸ்லாமிய உணர்வுகளும், சமுதாய விழிப்புணர்வும் கொண்ட பெருந்தகை அப்பாஸ் அவர்கள் மனம் மகிழ்ந்து, நம் மன்றத்திற்கு நன்கொடை வழங்கிய செய்தியினைப் பகிர்ந்து கொண்டார்.

இதுவரை மன்றத்தின் துணைத்தலைவராக இருந்து சிறந்த முறையில் நகர்நலப் பணிகளாற்றிய ஜனாப் எம்.ஐ.மெஹர் அலீ அவர்கள் தாயகம் திரும்பியதையடுத்து, புதிய துணைத்தலைவர் முறைப்படி தேர்ந்தெடுக்கப்படவுள்ளதாகத் தெரிவித்த அவர், புதிய துணைத்தலைவர் பெயரை உறுப்பினர் இம்தியாஸ் முன்மொழிவார் என்றும், உறுப்பினர்கள் அதனை ஆதரிக்கும்பட்சத்தில் தக்பீர் முழக்கத்துடன் அதனை வழிமொழியுமாறும் கேட்டுக்கொண்டு டாக்டர் இத்ரீஸ் தனதுரையை நிறைவு செய்தார்.

புதிய துணைத்தலைவர் தேர்வு:
அதனைத் தொடர்ந்து, செயற்குழு உறுப்பினர் இம்தியாஸ், புதிய துணைத்தலைவராக சாளை ஜியாவுத்தீன் அவர்களின் பெயரை முன்மொழிய, அனைத்து உறுப்பினர்களும், “அல்லாஹு அக்பர்” என்ற தக்பீர் முழக்கத்துடன் அதை வழிமொழிந்து, தமது ஆதரவை ஒருமனதாகத் தெரிவித்தனர்.

அனைத்து உறுப்பினர்களின் ஏகோபித்த ஆதரவுடன் - மன்றத்தின் புதிய துணைத்தலைவராகத் தேர்ந்தெடுக்கப்பட்டுள்ள சகோதரர் சாளை ஜியாவுத்தீன் அவர்கள் இப்பொறுப்பிற்கு எந்தளவுக்கு பொருத்தமானவர் என்பது குறித்து அவர் விளக்கிப் பேசினார். பின்னர், புதிய துணைத்தலைவரை, மன்றத் தலைவர் டாக்டர் இத்ரீஸ் ஆரத்தழுவி வரவேற்றார்.



நூஹ் ஆலிம் வாழ்த்துரை:
பின்னர் மவ்லவீ நூஹ் ஆலிம் - புதிய துணைத்தலைவரை வாழ்த்தி வாழ்த்துரை வழங்கினார்.



நபி (ஸல்) அவர்கள் காலத்தில் தலைவர்கள் எப்படி தேர்ந்தெடுக்கப்பட்டர்கள் என்பது பற்றியும் அவர்கள் ஆற்றிய தொண்டுகள் பற்றியும், நாம் எவ்வாறு செயல்பட வேண்டும் என்ற அறிவுரைகளோடு, இறைமறையில் என்னென்ன நற்காரியங்களுக்கு எத்தனை எத்தனை நன்மைகள் மற்றும் ஏழை மக்களின் நலன் காப்போருக்கு இறைவன் அளிக்கும் எண்ணற்ற பரிசுகளும் பலன்களும் குறித்து அழகாகவும் தெளிவாகவும் அவர் உரை நிகழ்த்தியது நெஞ்சத்தில் நெகிழ்வையும் நினைவில் நிற்கும் படிப்பினையாகவும் திகழ்ந்தது.

இக்ராஃவின் புதிய தலைவருக்கு வாழ்த்து:
உலக காயல் நல மன்றங்களின் கல்வித்துறைக் கூட்டமைப்பான காயல்பட்டினம் இக்ராஃ கல்விச் சங்கத்தின் இந்த ஆண்டிற்கான சுழற்சி முறை தலைவராக தேர்ந்தெடுக்கப்படவுள்ள தாய்லாந்து காயல் நல மன்றத்தின் (தக்வா) தலைவர் ஹாஜி வாவு எம்.எம்.ஷம்சுத்தீன் அவர்களுக்கு தம்மாம் காயல் நற்பணி மன்றத்தின் அனைத்து உறுப்பினர்களின் சார்பாக, மன்றத் தலைவர் டாக்டர் இத்ரீஸ் நெஞ்சார்ந்த வாழ்த்துக்களைத் தெரிவித்தார்.

துணைத்தலைவர் ஏற்புரை:
பின்னர், மன்றத்தின் புதிய துணைத்தலைவர் சாளை ஜியாவுத்தீன் ஏற்புரையாற்றினார்.



தன்னை ஏகோபித்த ஆதரவுடன் ஒருமனதாக தேர்ந்தெடுத்த அனைத்து உறுப்பினர்களுக்கும் தனதுரையில் நன்றியைத் தெரிவித்துக்கொண்ட அவர், இப்பொறுப்பிற்கு தான் உண்மையுள்ளவனாகவும், அனைத்து நற்பணிகளிலும் ஒன்றிணைந்து உறுதுணையாகவும் இருந்து செயல்படுவதாக உறுதி கூறி அமர்ந்தார்.

மருத்துவ சந்தேகங்கள்:
அடுத்து நடைபெற்ற மருத்துவ கேள்வி பதில் நிகழ்ச்சியில் நம் மன்ற உறுப்பினர்களின் மருத்துவ சந்தேகங்கள் குறித்த கேள்விகளுக்கு தனக்கே உரிய நகைச்சுவை பாணியில் டாக்டர் இத்ரீஸ் விளக்கமளித்தார்.

புதிய உறுப்பினர்கள் அறிமுகம்:
பின்னர், மன்றத்தின் புதிய உறுப்பினர்கள் கூட்டத்தில் அறிமுகப்படுத்தப்பட்டனர்.



நகர்நலன் குறித்த உறுப்பினர்களின் கருத்துப் பரிமாற்றங்களுக்குப் பின், தேனீர் - சிறுகடியுடன் சுவையான கறிக்கஞ்சி அனைவருக்கும் பரிமாறப்பட்டது.

நன்றியுரை, துஆவுடன் கூட்டம் இறையருளால் இனிதே நிறைவுற்றது. எல்லாப்புகழும் அல்லாஹ்வுக்கே - அல்ஹம்துலில்லாஹ்! இக்கூட்டத்தில் மன்றத்தின் உறுப்பினர்கள் திரளாகக் கலந்துகொண்டனர்.




இவ்வாறு தம்மாம் காயல் நற்பணி மன்றத்தின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
B.A.முத்துவாப்பா (புஹாரி)
செய்தித் தொடர்பாளர்,
காயல் நற்பணி மன்றம்,
தம்மாம், சஊதி அரபிய்யா.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. பேச்சில் நகைச்சுவை - எழுத்தில் நகைச்சுவை ...
posted by N.S.E. மஹ்மூது (காயல்பட்டணம் ) [07 May 2012]
IP: 117.*.*.* India | Comment Reference Number: 18712

அஸ்ஸலாமு அலைக்கும் (வரஹ்).

தம்மாம் காயல் நற்பணி மன்றத்தின் புதிய துணைத் தலைவராக தேர்ந்தெடுக்கப்பட்ட சகோதரர் சாளை ஜியாவுத்தீன் அவர்களுக்கு வாழ்த்துக்கள்.

மாஷா அல்லாஹ்! பேச்சில் நகைச்சுவை கொண்ட டாக்டர் இத்ரீஸ் அவர்கள் தலைவராகவும் - எழுத்தில் நகைச்சுவைக் கொண்ட சகோதரர் சாளை ஜியாவுத்தீன் அவர்கள் துணைத் தலைவராகவும் இருப்பதால் மன்றம் எப்போதும் கலகலப்பாகவே இருக்கும் - அல்ஹம்துலில்லாஹ்!.

வஸ்ஸலாம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:தம்மாம் காயல் நற்பணி மன்ற...
posted by NUSKI MOHAMED EISA LEBBAI (RIYADH -KSA) [07 May 2012]
IP: 94.*.*.* Saudi Arabia | Comment Reference Number: 18713

என் அன்பு நண்பன் சாளை ஜியாவுதீன் தம்மாம் காயல் நற்பணி மன்ற தலைவராக ஒரு மனதாக தெரிவு செய்யப்பட்டு இருப்பதை அறிந்து அகமகிழ்வுருகிரேன். எல்லாம் வல்ல அல்லாஹ் என் அன்பு நண்பனின் பணிகள் தொய்வு இன்றி காயல் நகர் மக்களுக்கு தொடர்ந்து கிடைத்திட அருள் புரிவானாக ஆமீன்

என்றும் அன்புடன்
M .E .L .நுஸ்கி
ரியாத்
சவுதி அரேபியா


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:தம்மாம் காயல் நற்பணி மன்ற...
posted by Cnash (Makkah) [07 May 2012]
IP: 37.*.*.* | Comment Reference Number: 18714

வாழ்த்துக்கள் ஜியாவுத்தீன் காக்கா!!! உங்கள் பணிகள் சிறப்புடன் நடைபெற மனமார வாழ்த்துகிறோம்!! உங்களுக்கு அல்லாஹ்வின் உறுதுணையும் அருளும் கிடைக்க வேண்டுகிறோம்!!!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. மனமார்ந்த நல்வாழ்த்துக்கள். மப்ரூக் மப்ரூக்......
posted by சட்னி,செய்யது மீரான். (ஜித்தா.சவுதி அரேபியா.) [07 May 2012]
IP: 188.*.*.* Saudi Arabia | Comment Reference Number: 18716

அஸ்ஸலாமு அலைக்கும்..

எங்கள் அன்பினும் இனிய தம்மாம் காயல் நற்பணி மன்ற நிர்வாகிகள் உட்பட அனைத்து உறுப்பினர்களுக்கும் மனமார்ந்த பாராட்டுக்கள்.

தற்காலத்திற்கு ஏற்ற வகையில் நல்லதோர் முடிவுடன் ஏகோபித்த ஆதரவுடன் புதிய துணைத் தலைவராக எங்களன்பு சகோதரர் சாளை, ஜியாவுத்தீன் அவர்கள் தேர்ந்தெடுக்கப்பட்ட நல்ல செய்தியை காண மிகுந்த மகிழ்ச்சி.

இப்பொறுப்பிற்கு மிகவும் பொருத்தமானவராக, அனைத்து நற்பணிகளிலும் உறுதுணையாகவும், அனைவர்களோடும் ஒன்றிணைந்து செயல்படவும், தாங்கள் சரீர சுகத்துடன் சந்தோசமாக வாழவும் வல்லோன் அல்லாஹ் நல்லருள் புரிவானாக ஆமீன். எனும் பிரார்த்தனையோடு இதயப்பூர்வமான நல்வாழ்த்துக்கள்.

இந்த நிகழ்வில் கலந்து கொண்டு இருக்கலாம் என்ற எண்ணத்தில் என் அன்பு மச்சான் கண்டி,ரஹ்மத்துல்லாஹ் மற்றும் அன்பு மச்சினன் முஹம்மது நூஹு (48) போன்றவர்களின்புகை படங்களை காண ஆவலோடு இருந்தோம் ஆயினும் இதில் இல்லாதது ஏமாற்றமாக இருந்தாலும் ஆல் இன் ஆல் கிங் மச்சானை பார்க்க ஆறுதலானது மனம். மாஷா அல்லாஹ்.

என்றும் அன்புடன்

சட்னி,செய்யது மீரான்.
ஜித்தா.சவுதி அரேபியா.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:தம்மாம் காயல் நற்பணி மன்ற...
posted by M.N.L.முஹம்மது ரஃபீக். (புனித மக்கா.) [07 May 2012]
IP: 188.*.*.* Saudi Arabia | Comment Reference Number: 18717

வருக! வருக! சாளையார் எதற்கும் சளைத்தவர் அல்ல! தலைமை பொறுப்புக்கு ஏற்ற இளவல். துடிப்பு மிக்க சமூக ஆர்வலர். தம்மாம் காயல் நலமன்றத்தின் மணிமகுடத்தை அன்பு நண்பர் சாளை-ஜியாவுத்தீன் அவர்களுக்கு சூட்டி அழகு பார்க்கும் அத்துனை உறுப்பினர்களுக்கும் நன்றி!

நகைச்சுவையோடு எல்லோருக்கும் பிடித்த எங்கள் அன்பின் இத்ரீஸ் டாக்டர்,அருமைச் சகோதரர் இம்தியாஸ்,மதிப்பிற்குரிய நூஹ் ஆலிம் ஆகியோரைக் கண்டதில் மட்டற்ற மகிழ்ச்சி!

புதிய தலைவரை பெரியோர்கள் தேர்ந்தெடுத்துள்ளீர்கள்.அவர் அந்தப் பதவியின் பொறுப்பை உணர்ந்து செயல்படுவார் எனும் நம்பிக்கை உள்ளது. வாழ்த்துக்கள்! உலகலாவிய நல மண்ரங்களின் நிகழ்வுகளுக்கு உடனடியாக கருத்தும்,வாழ்த்தும் சொல்லி முதலிடம் பிடிப்பவர் ஜியாவுத்தீன்.நான் அவருக்கு வாழ்த்து சொல்லி முதல் கருத்தைப் பதுவு செய்வதில் பெருமிதம் அடைகின்றேன். -ஹிஜாஸ் மைந்தன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. பொருத்தமானவருக்கு பொருத்தமான பதவி...
posted by ஒய்.யம். ஸாலிஹ் (புனித மக்கா) [07 May 2012]
IP: 188.*.*.* Saudi Arabia | Comment Reference Number: 18718

அஸ்ஸலாமு அலைக்கும்

எங்கள் அன்பு சகோதரர் 'கருத்துப் புயல்' சாளை ஜியாவுதீன் காக்காவிற்கு துணைத்தலைவர் பதவி வழங்கிய தம்மாம் காயல் நற்பணி மன்ற நிர்வாகிகள் மற்றும் அனைத்து உறுப்பினர்களுக்கும் மனமார்ந்த பாராட்டுக்கள்.

ஒய்.யம். ஸாலிஹ்,
புனித மக்கா


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. வாழ்த்துக்கள்........
posted by s.s.md meerasahib (riyadh) [07 May 2012]
IP: 37.*.*.* Saudi Arabia | Comment Reference Number: 18719

அஸ்ஸலாமு அலைக்கும். தம்மாம் காயல் நற்பணி மன்றத்தின் புதிய துணைத்தலைவராக பொறுப்பேற்றுள்ள சாளை ஜியாவுதீன் அவர்களுக்கு வாழ்த்துக்கள்.

தாங்கள் பொறுப்பேற்றுள்ள பொறுப்பை
கனிவுடனும்,கண்ணியத்துடனும்.....
நீதிவுடனும்,நேர்மையுடனும்.... ஒருதலை பட்ச்சமின்றி செயலாற்றிட எல்லாம் வல்ல இறைவனிடம் பிரார்த்திக்கிறேன். வஸ்ஸலாம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. Re:தம்மாம் காயல் நற்பணி மன்ற...
posted by K.D.N.MOHAMED LEBBAI (AL-KHOBAR) [07 May 2012]
IP: 46.*.*.* Saudi Arabia | Comment Reference Number: 18720

அஸ்ஸலாமு அலைக்கும்.

DAMMAM. KAYAL நற்பணி மன்றத்தின் புதிய துணைத்தலைவராக எமது அன்பு சகோதரர். சாளை ஜியாவுத்தீன் அவர்களை தம்மாம் காயல் உறுப்பினர்கள் யாவர்களும் ஒரு மனதாக தேர்வு செய்ய பட்ட . இவரை நாம் எல்லோரும் வாழ்த்தி. இவரின் நல்லதோர் செயல்பாடு அவரின் உடல் ஆரோகியாத்துடன் இந்த DAMMAM. காயல் நற்பணி மன்றதிற்காக உழைக்க நாம் யாவர்களும் வல்ல நாயன் இடம் துவா செய்வோமாக. ஆமீன்.

நிச்சயமாக இவர் தான் துணைத்தலைவருக்கு ரொம்ப பொருத்தமானவர் .காரணம் .நான் இவரை அறிந்தும் + நேரில் பார்த்தும் உள்ளேன். DAMMAM காயல் மக்கள் நல்லவரை தான் தேர்வு செய்து உள்ளனர் .

சோ>>>>>>.அருமை சகோதரர். சாளை ஜியாவுத்தீன் அவர்களை மீண்டும்.......... வாழ்த்துகிறேன் ........... உங்களின் சேவை தொடரட்டும்>>>>>>>>>>>>>>>>>>>>..

வஸ்ஸலாம்
K.D.N.MOHAMED LEBBAI
AL-KHOBAR


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
9. Re:தம்மாம் காயல் நற்பணி மன்ற...
posted by PALAPPA AHMED (DAMMAM - SEIKO) [07 May 2012]
IP: 94.*.*.* Saudi Arabia | Comment Reference Number: 18722

அஸ்ஸலாமு அலைக்கும். நமது தம்மாம் காயல் நற்பணி மன்றத்தின் 62 -வது பொதுக்குழு கூட்டம் எங்க வீட்டில் வைத்து சிறப்பாக நடைபெற்றது. அல்ஹம்துலில்லாஹ். துணை தலைவராக SELECT பண்ணப்பட்ட சாளை ஜியாவுதீன் காக்கா அவர்களுக்கு என்னுடைய மனமார்ந்த வாழ்த்துக்களை இந்த இணைய தளம் மூலம் தெரிவித்து கொள்கிறேன். வஸ்ஸலாம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
10. Re:தம்மாம் காயல் நற்பணி மன்ற...
posted by hylee (colombo) [08 May 2012]
IP: 112.*.*.* Sri Lanka | Comment Reference Number: 18723

பாலும் தேனும் ஒன்றாக கலந்து இருக்கிறது. வாழ்த்துக்கள். கருத்துப் புயல் என்று ஒரு சகோதரர் வாழ்த்தி இருக்கிறார். உண்மைதான்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
11. Re:தம்மாம் காயல் நற்பணி மன்ற...
posted by Mohamed Salih (Bangalore) [08 May 2012]
IP: 121.*.*.* India | Comment Reference Number: 18725

இறைவன் உங்களுடைய பொறுப்புக்களை இலேசாக்கி நற்பணிகள் செய்ய துணை புரிவானாக!

புதிய துணைத் தலைவராக சாளை ஜியாவுதீன் அவர்களை அப்பாடி ஒரு வழிய உங்க முன்ச பார்த்தாச்சு பா...

பெங்களூர் ரில் இருந்து ,
முஹம்மத் ஸாலிஹ் கே.கே.எஸ்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
12. Re:தம்மாம் காயல் நற்பணி மன்ற...
posted by Salai Sheikh Saleem (Dubai) [08 May 2012]
IP: 217.*.*.* United Arab Emirates | Comment Reference Number: 18726

RIGHT PERSON TO THE RIGHT JOB

சமூக முற்ப்போக்கு சிந்தனையும் பொதுச்சேவை எண்ணமும் ஒருங்கே அமையப்பெற்ற எங்களின் சாளை குடும்பத்தின் இளவல் தம்பி ஜியாவுத்தீன் சரியான தேர்வு. வாழ்த்துக்கள் !!!

உங்களின் எல்லா ஊர் நல திட்டங்களும் முயற்சிகளும் வெற்றி பெற அல்லாஹ் அருள் பாலிப்பானாகவும் ஆமீன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
13. பதவியை தேடி ..
posted by முத்துவாப்பா... (அல்-கோபர்) [08 May 2012]
IP: 89.*.*.* Saudi Arabia | Comment Reference Number: 18728

பதவியை தேடி அனைவரும்
பணத்தை வைத்து அனுதினமும் அலைய
பச்சை குழந்தை போல் பாசாங்கு செய்து
நீங்கள் ஓடி ஒளிய

ஓடி மறைந்து ஒளிந்தாலும்
வேண்டாம் என்று ஒதுங்கினாலும்
உங்களை விடுவதில்லை நாமினி
தொடரட்டும் உங்களின் சமூக பணி


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
14. சரியான தெரிவு
posted by Mauroof (Dubai) [08 May 2012]
IP: 195.*.*.* United Arab Emirates | Comment Reference Number: 18729

அஸ்ஸலாமு அலைக்கும்.

"இதனை இதனால் இவன் முடிக்கும் என்றாய்ந்து
அதனை அவன் கண் விடல்"

என்ற திருக்குறளுக்கு ஏற்ப கருத்துப்புயல் சகோ. சாளை. ஜியாவுத்தீன் அவர்களுக்கு தம்மாம் காயல் நற்பணி மன்றத்தின் துணைத்தலைவர் பொறுப்பு வழங்கப்பட்டமை மகிழ்ச்சிற்குரியது. தங்களது பணி சிறக்க பிரார்த்தனையுடன் கூடிய வாழ்த்துக்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
15. Re:தம்மாம் காயல் நற்பணி மன்ற...
posted by சாளை நவாஸ் (Singapore) [08 May 2012]
IP: 116.*.*.* Singapore | Comment Reference Number: 18732

கருத்து புயலே வருக !!!!
காவியம் படைக்க வருக !!!

காயல் செழிக்க
வளம் கொழிக்க
பாடுபடபோகும் துணை தலைவரே
வருக
வருக


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
16. Re:தம்மாம் காயல் நற்பணி மன்ற...
posted by AbdulKader ThaikaSahib MSS (Riyadh, KSA) [08 May 2012]
IP: 2.*.*.* Saudi Arabia | Comment Reference Number: 18734

தம்மாம் காயல் நற்பணி மன்றத்தின் புதிய துணை தலைவராக தேர்ந்தெடுக்கப்பட்டுள்ள சகோதரர் சாளை ஜியாவுதீன் அவர்களுக்கு வாழ்த்துக்கள்....


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
17. நகைச்சுவை மன்னன் அன்பு சாளை ஜியாவுத்தீன் அவர்களுக்கு மனமார வாழ்த்துக்கள்!
posted by MOHIDEEN ABDUL KADER (ABUDHABI) [08 May 2012]
IP: 86.*.*.* United Arab Emirates | Comment Reference Number: 18735

அஸ்ஸலாமு அழைக்கும்.

தம்மாம் காயல் நற்பணி மன்றத்தின் புதிய துணைத்தலைவராக சாளை ஜியாவுத்தீன் காக்கா அவர்கள் தேர்வானதை வாழ்த்துவதுடன் அவரின் நல்ல நகைச்சுவைகளுடன் கூடிய சமுதாய முற்போக்கு திட்டங்களை நமது காயல் மண்ணிற்கு அவருக்கே உரித்தான பாணியில் அனைத்து தரப்பு மக்கள்களையும் அரவணைத்து தனது எழுத்துபடைப்புகளை செயல்வடிவாக்கி சாளை குடும்பத்தின் சான்றோர்கள் வரிசையில் வாழ அல்லாஹ் உதவி புரிவானாக ஆமீன்.

இவன்
M.E. முகியதீன் அப்துல் காதர்,
அபுதாபி.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
18. Re:தம்மாம் காயல் நற்பணி மன்ற...
posted by hasbullah (dubai) [08 May 2012]
IP: 86.*.*.* United Arab Emirates | Comment Reference Number: 18738

தம்மாம் காயல் நல மன்றத்தின் துணை தலைவராக தேர்ந்தெடுக்கப்பட்டுள்ள ஜியாவுதீன் காக்கவிற்கு வாழ்த்துக்கள் பல. உங்கள் மக்கள் பனி ஓய்வின்றி தொடர அல்லாஹ் அருள்பாலிப்பானாக .. ஆமீன்.

பைக்கில் நிற்கும் போது ஏற்பட்ட சம்பவங்கள் , அந்நேரம் உங்களிடம் இருந்த பொறுமை , எல்லா சமயத்திலும் அதே பொறுமையோடு வாழ்வில் முன்னேறுங்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
19. வாழ்த்துக்கள்
posted by M Sajith (DUBAI) [08 May 2012]
IP: 2.*.*.* United Arab Emirates | Comment Reference Number: 18739

டாக்டரின் நற்பணிகளுடன் அவரது நகைச்சுவைக்கும் பொருத்தமான துணை ...

வாழ்த்துக்கள்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
20. Re:தம்மாம் காயல் நற்பணி மன்ற...
posted by mohamed sirajudeen (Singapore ) [08 May 2012]
IP: 218.*.*.* Singapore | Comment Reference Number: 18743

பாஸ் சாளை ஜியாவுத்தீன் காக்கா அவர்களுக்கு என்னுடைய மனம் நிறைத்த வாழ்த்துக்கள்......

உங்களுடைய சமூக பணி சிறக்க என் மனம் நிறைத்த பாராட்டுகள் .

புதிய துணைத் தலைவராக தேர்தெடுத்த டாக்டர் இத்ரிஸ் மாமா அவர்களுக்கும்,ரபீக் காக்கா மற்றும் உறுப்பினர் களக்கும் நன்றி ......


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
21. Re:மொட்டை பாஸ் அல்ல, இரட்டை பாஸ்!
posted by OMER ANAS (DOHA QATAR.) [08 May 2012]
IP: 78.*.*.* Qatar | Comment Reference Number: 18748

உண்மையில் தம்மாம் காயல் நல மன்றத்திற்கு இனி இரட்டை பாஸ் கிடைத்து உள்ளார்கள். உலக காயல் நற்பணி மன்றங்களுக்கே முன்மாதிரி தம்மாம் காயல் நற்பணி மன்றம். தம்பி ஜியாவுத்தீன் உனது பணி சிறக்க வாழ்த்துகிறோம். அல்லாஹ் அக்பர்.அல்லாஹ் அக்பர்.அல்லாஹ் அக்பர்.

அன்புடன்,
சோனா காக்கா!
உமர் காக்கா!
தோஹா கத்தார்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
22. Re:தம்மாம் காயல் நற்பணி மன்ற...
posted by mackie noohuthambi (kayalpatnam) [09 May 2012]
IP: 117.*.*.* India | Comment Reference Number: 18749

வாழ்த்துக்கள் ஜியாவுதீன். தலைவராக நகைச்சுவை தென்றல் இத்ரீஸ் அவர்களுக்கு துணையாக நீங்கள் தேர்ந்தேடுக்கப்பட்டுள்ள செய்தி இனிக்கிறது. ஆனால் முன்னர்போல் உங்கள் விமர்சனங்களை பார்க்க முடியாது.

பதவி வரும்போது பணிவு வரவேண்டும்- துணிவு வரவேண்டும் தோழா! பாதை தவறாமல் பண்பு குறையாமல் பழகி வரவேண்டும் தோழா!. அன்பே உன் தந்தை அறிவே உன் அன்னை- உலகே ஒரு குடும்பம். காயலர் ஒரு கதம்பம். அவர்களுக்கு காய்தல் உவத்தல் அகற்றி பணி புரிவதே காயல் நல மன்றத்தின் லட்சியம். அந்த லட்சியத்தின் சின்னங்களாக ஏற்கெனெவே பணி புரிந்து தாயகம் திரும்பியுள்ள எல்லோரையும் வாழ்த்தி, பழையன கழிதலும் புதியன புகுதலும் காலத்தின் கட்டாயம் என்பதை உணர்ந்து உங்களை வாழ்த்துகிறோம்.

"தம்பி வா! தலைமை தாங்க வா! என்று பேரறிஞர் அண்ணா அவர்கள் இளைய தலைமுறையை அழைத்ததுபோல் உங்களையும் அழைக்கிறோம். எல்லோரையும் அரவணைத்து செல்லும் நற்பண்புகள் உள்ள உங்களை உள்ளன்புடன் வரவேற்கிறோம்.உங்கள் வருகையால் இந்த மாமன்றம் புதிய சிந்தனைகளுடன் முன்னேற வாழ்த்துகிறோம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved