{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் அல்ஜாமிஉல் அஸ்ஹர் வளாகத்தில், அப்பள்ளி நிர்வாகத்தால் செயல்படுத்தப்பட்டு வரும் திருக்குர்ஆன் மனனப் பிரிவான, அல்மத்ரஸத்துல் அஸ்ஹர் லி தஹ்ஃபீழில் குர்ஆனில் கரீம் நிறுவனத்தின் பட்டமளிப்பு விழா நிகழ்ச்சிகள் இன்றும் நாளையும் நடைபெறுகிறது.

இன்று மாலை முதல் இரவு வரை நடைபெறும் நிகழ்ச்சிகளில், கிராஅத், பேச்சு, ஹிஃப்ழு (திருக்குர்ஆன் மனனம்) மற்றும் பொதுமக்களுக்கான வினாடி-வினா போட்டிகள் நடைபெறவுள்ளன.

06.05.2012 அன்று (நாளை) மாலையில் ஹிஃப்ழுப் போட்டி நடைபெறுகிறது. இரவு 07.00 மணிக்கு ஹாஃபிழுல் குர்ஆன் பட்டமளிப்பு நிகழ்ச்சி நடைபெறுகிறது. இந்நிகழ்ச்சியில், இந்நிறுவனத்தில் பயின்று, திருக்குர்ஆனை முழுமையாக மனனமிட்டு முடித்துள்ள 8 மாணவர்களுக்கு ஹாஃபிழ் பட்டம் வழங்கப்படுகிறது.

நிகழ்ச்சி ஏற்பாடுகளை, அல்ஜாமிஉல் அஸ்ஹர் ஜும்ஆ மஸ்ஜித் நிர்வாகிகளின் வழிகாட்டலில், மத்ரஸா ஆசிரியர்களான மவ்லவீ ஹாஃபிழ் முஹம்மத் இம்ரான் உமரீ, ஹாஃபிழ் செய்யித் முஹம்மத் மற்றும் பள்ளி இமாம் நெய்னா முஹம்மத், பிலால் ஏ.எச்.லுக்மான் ஆகியோர் செய்து வருகின்றனர்.