{ முகநூல் கருத்துக்கள்}{ட்விட்டர் கருத்துக்கள்}

நடப்பாண்டு ரமழான் மாதத்தை முன்னிட்டு, காயல்பட்டினம் ஜாவியாவில் தினமும் காலை 11.00 மணி முதல் 12.00 மணி வரை - ஜாவியா அரபிக்கல்லூரியின் முதல்வர் மவ்லவீ எஸ்.எம்.முஹம்மத் ஃபாரூக் ஃபாஸீ, அதன் துணை முதல்வர் மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ, மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ உள்ளிட்ட மார்க்க அறிஞர்களால் தொடர் சொற்பொழிவு நடத்தப்பட்டு வந்தது.

நாளை நடைபெறும் நிறைவுநாள் சொற்பொழிவில், மவ்லவீ எம்.ஏ.அப்துல் வதூத் ஃபாஸீ, மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ ஆகியோர் அடுத்தடுத்து உரை நிகழ்த்துகின்றனர்.

நிறைவு நாளை முன்னிட்டு, நாளைய சொற்பொழிவு நிகழ்ச்சி காலை 10.30 மணிக்குத் துவங்கி, 12.00 மணி வரை நடைபெறும் எனவும், வழமை போல ஜாவியாவின் www.kayalpatnamzaviya.com என்ற அதிகாரப்பூர்வ இணையதளத்தில் நேரலை செய்யப்படும் எனவும் ஜாவியா நிர்வாகம் சார்பில் தெரிவிக்கப்பட்டுள்ளது.

தகவல்:
ஹாஃபிழ் M.S.முஹம்மத் ஸாலிஹ்