{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் கே.பி.எல். கால்பந்துப் போட்டிகள், காயல்பட்டினம் ஐக்கிய விளையாட்டு சங்க மைதானத்தில், இம்மாதம் 02ஆம் தேதி முதல் நடைபெற்று வருகிறது.

ஜூன் 08ஆம் தேதியன்று நடைபெற்ற போட்டிகளின் முடிவுகள் குறித்த விபரத்தை, சுற்றுப்போட்டிக் குழு பின்வருமாறு தெரிவித்துள்ளது:-

V-united Sports Club பெருமையுடன் நடத்தும் 5-ம் ஆண்டு காயல் பிரிமியர் லீக் கால்பந்து சுற்றுப் போட்டித் தொடரின் ஏழாம் நாளான 08/06/2013 அன்று காலை நடைபெற்ற முதல் போட்டியில் Bangkok Ball Busters அணியும், Fi-Sky Boys அணியும் விளையாடின.

இப்போட்டியில் Bangkok Ball Busters அணி 3-1 என்ற கோல் கணக்கில் வெற்றிபெற்றது. அந்த அணிக்காக ஃபைஸல் இரண்டு கோலையும், சுலைமான் ஒரு கோலையும், Fi-Sky Boys அணிக்காக தாஹிர் ஒரு கோலையும் அடித்தார்கள்.

தொடர்ந்து நடைபெற்ற இரண்டாவது போட்டியில் Strange Spikers அணியும், BGF United அணியும் விளையாடின. இதில் Strange Spikers அணியினர் 1-0 என்ற கோல் கணக்கில் வெற்றிபெற்றனர். அந்த அணிக்காக ஹாதி ஒரு கோலை அடித்தார்.

பின்னர் மாலை நடைபெற்ற முதல் போட்டியில் Gallery Birds அணியும், Knight Riders அணியும் விளையாடின. விறுவிறுப்பாக நடைபெற்ற இந்த போட்டியில் Knight Riders அணிக்கு கிடைத்த பெனால்டி வாய்ப்பை அந்த அணி வீரர் கோலாக்க தவறினார். பின்னர் ஆட்டநேர இறுதி வரை போராடியும் இரண்டு அணியினராலும் கோல் எதுவும் அடிக்க முடியாததால் போட்டி சமநிலையில் முடிவுற்றது.

தொடர்ந்து நடைபெற்ற இரண்டாவது போட்டியில் PHM 7 Star அணியும், Kayal Chelsea அணியும் விளையாடின. இதில் அனுபவ வீரர்களை கொண்ட PHM 7 Star அணியினர் முதல் பாதி முடிவில் 1-0 என்ற கோல் கணக்கில் முன்னிலை பெற்றனர். அந்த கோலினை அனுபவ வீரர் பசீர் அடித்தார். தொடர்ந்து நடைபெற்ற இரண்டாவது பாதி ஆட்டத்தில் மேலும் கோல் எதுவும் அடிக்காததால் PHM 7 Star அணியினர் 1-0 என்ற கோல் கணக்கில் வெற்றிபெற்றனர்.

போட்டித் தொடரின் எட்டாம் நாளான நாளை (09/06/2013) காலை நடைபெற உள்ள முதல் போட்டியில் Kayal chelsea அணியும், Knight Riders அணியும் விளையாட உள்ளன. இரண்டாவது போட்டியில் Gallery Birds அணியும், Strange Spikers அணியும் விளையாட உள்ளன.

ஜூன் 09 மாலை நடைபெற உள்ள முதல் போட்டியில் Fi-Sky Boys அணியும், PHM 7 Star அணியும் விளையாட உள்ளன. இரண்டாவது போட்டியில் BGF United அணியும், Bangkok Ball Busters அணியும் விளையாட உள்ளன.

அணியினர், விளையாட்டுப் போட்டியின் படக்காட்சிகளும், புள்ளி விபரப் பட்டியலும் வருமாறு:-







இவ்வாறு, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் தெரிவிக்கப்பட்டுள்ளது.

தகவல்:
M.ஜஹாங்கீர்