{ முகநூல் கருத்துக்கள்}{ட்விட்டர் கருத்துக்கள்}

31.01.2018. அன்று காயல்பட்டினம் சுற்றுவட்டாரத்தில் முழு சந்திர கிரகணம் தென்பட்டது. இக்கிரகணம் குறித்த தகவல்களை உள்ளடக்கி, கிரகணத்திற்கு முந்தைய நாளன்று “நடப்பது என்ன?“ சமூக ஊடகக் குழுமம் வெளியிட்ட செய்தியறிக்கை:-

நாளை (ஜனவரி 31) - முழு சந்திர கிரகணம் (TOTAL LUNAR ECLIPSE) - ஏற்படுகிறது. இந்த கிரகணத்தை காயல்பட்டினத்தில் பார்க்கலாம்.

கண்ணுக்கு எளிதாக புலப்படாத நிழலினால் ஏற்படும் கிரகணம் துவங்கும் நேரம் (Penumbral Eclipse begins) 4:21 PM (காயல்பட்டினத்தில் சந்திரன் உதயமாகியிருக்காது; எனவே காண முடியாது)

பகுதி கிரகணம் துவங்கும் நேரம் (Partial Eclipse begins)

5:18 PM (காயல்பட்டினத்தில் சந்திரன் உதயமாகியிருக்காது; எனவே காண முடியாது)

முழு கிரகணம் துவங்கும் நேரம் (Full Eclipse begins)

6:21 PM (காயல்பட்டினத்தில் சந்திரன் உதயமாகி 2 நிமிடங்கள் கழித்து முழு சந்திரகிரகணம் துவங்குகிறது; காயல்பட்டினத்தில் - கிழக்கு திசையில் காணலாம்)

கிரகணம் உச்சக்கட்டம் (Maximum Eclipse)
6:59 PM

முழு கிரகணம் முடியும் நேரம் (Full Eclipse ends)
7:37 PM

பகுதி கிரகணம் முடியும் நேரம் (Partial Eclipse ends)
8:41 PM

கண்ணுக்கு எளிதாக புலப்படாத நிழலினால் ஏற்படும் கிரகணம் முடியும் நேரம் (Penumbral Eclipse ends)
9:38 PM





சந்திர கிரகணங்கள் (LUNAR ECLIPSES) - பௌர்ணமி (FULL MOON) அன்றே நிகழும்.

ஒரு மாதத்தில் பொதுவாக ஒரு பௌர்ணமியே நிகழும். இந்த மாதம் இரண்டு பௌர்ணமிகள் நிகழ்கின்றன. இரண்டாவது நிகழும் பௌர்ணமியின் போது தென்படும் சந்திரன் BLUE MOON என அழைக்கப்படுகிறது.

மேலும் - பூமியை சுற்றும் சந்திரன், சில நேரங்களில் அதிக தூரம் விலகியும் (APOGEE), சில நேரங்களில் அருகாமையிலும் இருக்கும் (PERIGEE). நாளை நிகழவுள்ள சந்திர கிரகணத்தின் போது - சந்திரன் பூமிக்கு மிக அருகாமையில் இருக்கும் என்பதால் இது SUPER BLUE MOON என்றும் அழைக்கப்படுகிறது.

சூரியனுக்கும், சந்திரனுக்கும் இடையில் - நேர்கோட்டில் பூமி வரும்போது, சந்திர கிரகணங்கள் நிகழ்கின்றன.

சந்திரன் - நீல வர்ணத்தில் நாளை இருக்கும் என்பதால் - அது BLUE MOON என அழைக்கப்படுவதாக வெளிவரும் ஊடக செய்திகள் தவறானவை.

இவண்,
நிர்வாகிகள்,
நடப்பது என்ன? சமூக ஊடகக்குழுமம்.
[மக்கள் உரிமைநிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்]

[பதிவு: ஜனவரி 30, 2018; 10:00 pm]
[#NEPR/2018013004]

இவ்வாறு அந்த அறிக்கையில் தெரிவிக்கப்பட்டுள்ளது.