{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் முஹ்யித்தீன் மெட்ரிகுலேஷன் மேனிலைப்பள்ளியின் 32ஆம் ஆண்டு விழா மற்றும் துவக்கப் பிரிவு (Primary Section) விளையாட்டு விழா 26.02.2011 அன்று பள்ளியின் துவக்கப் பிரிவு கலையரங்கில் நடைபெற்றது.

ஹாஜ்ஜா எம்.எம்.மைமூன் தலைமை தாங்கினார். ஹாஜ்ஜா எம்.எஸ்.ஷேகு ஃபாத்திமா, ஹாஜ்ஜா எம்.பி.ஏ.ஃபவுஜியா ஆகியோர் முன்னிலை வகித்தனர்.

பள்ளியின் இரண்டாம் வகுப்பு மாணவர் ஏ.பி.முஹம்மத் ஹம்ஜா கிராஅத் ஓதி விழாவைத் துவக்கி வைத்தார். பள்ளி ஆசிரியை அருள் ஜோதி அனைவரையும் வரவேற்றுப் பேசினார். தலைமையாசிரியை சண்முகசுந்தரி ஆண்டறிக்கை வாசித்தார்.

இவ்விழாவில், திருச்செந்தூர் கோவிந்தம்மாள் ஆதித்தனார் கலை மற்றும் அறிவியல் கல்லூரியின் ஆங்கிலத்துறை தலைவர் முனைவர் ஆண்டாள் சிறப்பு விருந்தினராகக் கலந்துகொண்டு வாழ்த்துரை வழங்கியதுடன், போட்டிகளில் வெற்றி பெற்ற மாணவ-மாணவியருக்கு பரிசுகள் வழங்கினார். சிறப்பு விருந்தினருக்கு விழா தலைவர் நினைவுப் பரிசு வழங்கினார்.



பள்ளி ஆசிரியை விஜயலக்ஷ்மி நன்றி கூற, துஆவுக்குப் பின் நாட்டுப்பண்ணுடன் விழா நிறைவுற்றது.

அன்றிரவு 07.00 மணிக்கு பள்ளி மாணவ-மாணவியரின் கலை நிகழ்ச்சிகள் நடைபெற்றன.



தகவல்:
கே.எம்.டி.சுலைமான்,
துணைச் செயலாளர்,
முஹ்யித்தீன் மெட்ரிகுலேஷன் மேனிலைப்பள்ளி, காயல்பட்டினம்.