Kayal on the Web

செய்திகள்

செய்தி எண் (ID #) 6397

#KOTW6397

செவ்வாய், ஜுன் 7, 2011

புகாரிஷ் ஷரீஃப் 1432: மூன்றாம் நாள் நிகழ்வுகள்! வலைதளத்தில் தினமும் நேரடி ஒலிபரப்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3107 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கிழக்குப் பகுதியில், கடற்கரையையொட்டி அமைந்துள்ளது மஜ்லிஸுல் புகாரிஷ் ஷரீஃப் ஸபை. கடந்த 83 ஆண்டுகளாக வருடந்தோறும் ரஜப் மாதத்தில் அல்ஜாமிஉஸ் ஸஹீஹுல் புகாரீ எனும் நபிமொழிக் கிரந்தம் 30 நாட்கள் முழுமையாக ஓதப்பட்டு, அனுதினமும் ஓதப்படும் பொன்மொழிகளுக்கான விளக்கவுரைகள் மார்க்க அறிஞர்களால் வழங்கப்பட்டு வருகிறது.

நடப்பு 84ஆம் ஆண்டு நிகழ்வுகள் 04.06.2011 சனிக்கிழமை துவங்கி, 03.07.2011 ஞாயிற்றுக்கிழமையன்று அபூர்வ துஆவுடன் நிறைவுறுகிறது. மறுநாள் 04.07.2011 திங்கட்கிழமையன்று நேர்ச்சை வினியோகம் நடைபெறுகிறது.

மூன்றாம் நாளான நேற்று, (06.06.2011) ஓதப்பட்ட நபிமொழிகளுக்கான விளக்கவுரையை, மஜ்லிஸுல் புகாரிஷ் ஷரீஃப் ஸபை வளாகத்தில் இயங்கி வரும் ஹாமிதிய்யா குர்ஆன் ஹிஃப்ழு மத்ரஸாவின் ஆசிரியர் மவ்லவீ ஹாஃபிழ் முஹ்யித்தீன் அப்துல் காதிர் பாக்கவீ வழங்கினார்.

பல்வேறு தொழுகைகளின் முறைகள், தொழுகைகளிலுள்ள பல்வேறு இருப்புகளில் ஓதப்பட வேண்டிய பிரார்த்தனைகள், குர்ஆன் - ஹதீதிலிருந்து இமாம்கள் சட்டங்களை வகுத்த விதம், அவற்றை சமுதாயம் பின்பற்ற வேண்டியதன் அவசியம் உள்ளிட்டவை நேற்றைய உரையில் இடம்பெற்ற செய்திகளாகும்.

இன்று ஓதப்படும் நபிமொழிகளுக்கான விளக்கவுரையை, ஹாமிதிய்யா மார்க்கக் கல்வி நிறுவனத்தின் பேராசிரியர் மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ வழங்குகிறார்.

தினமும் காலை 09.15 மணிக்கு நடைபெறும் மார்க்க சொற்பொழிவுகள் மற்றும் இறுதிநாள் நிகழ்ச்சிகள் அனைத்தும் வலைதளத்தில் நேரடி ஒலிபரப்பு செய்வதற்கான ஏற்பாடுகள் செய்யப்பட்டுள்ளன. நேரடி ஒலிபரப்பை, http://www.bukhari-shareef.com/eng/live/ என்ற இணைப்பில் சொடுக்கி செவியுறலாம்.

தகவல்:
மஜ்லிஸுல் புகாரிஷ் ஷரீஃப் ஸபை நேரலைக் குழு சார்பில்,
M.N.செய்யித் அஹ்மத் புகாரீ மூலமாக,
ஹாஃபிழ் S.M.S.மஹ்மூத் ஹஸன், A.M.E., B.C.A.,
கவ்லூன், ஹாங்காங்.

{TAGS} mbss m.b.s.s. majlisul bukhari shareef mbss 1432 live telecast mbss live shb mbss 1432 day 03

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. நன்றிகள்
posted by sulaiman lebbai - riyadh (RIYADH - S.ARABIA) [07 June 2011]
IP: 2.*.*.*

Saudi Arabia | Comment Reference Number: 5090

வல்ல நாயனின் அருளால் நாங்கள் தினமும் புனித புஹாரி ஷரீபில் கூறப்படும் ஹதீதுகலை(பதிவு செய்யபட்டது) கேட்டு வருகிறோம். இந்த வசதிகலை செய்து தந்த அனைவருகளுக்கும் மிகுந்த நன்றிகள். வல்ல நாயன் நம் அனைவர்களையும் நல்லதை மட்டும் நம் காதால் கேட்டு நல்ல வழிகளில் நடந்து, நன்மைகள் பல செய்ய அருள் புரிவாக ஆமீன். வல்ல நாயன் இந்த புனித புகாரி ஷரீப் உடைய நல்ல சேவைகள் கடைசி வரை தொடர உதவி செய்வானக. ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. பூலோகமெல்லாம் புனிதமிகு புஹாரிஷரீபின் புகழ் பாட......
posted by MOHIDEEN ABDUL KADER (ABUDHABI) [07 June 2011]
IP: 195.*.*.*

United Arab Emirates | Comment Reference Number: 5095

அஸ்ஸலாமு அழைக்கும்.

உலகமெங்கும் உத்தம நபியின் உன்னத நபிமாமொளிகளை உண்மை,உவமை,உணர்ச்சி,உறுதிவுடன் அழகிய ஹாமிதியாவை உள்ளடக்கிய புஹாரிஷரிபின் அணைத்து ஆலிம் பெருந்தகைகள் மற்றும் நிர்வாகிகள் நீடூடி வாழ வாழ்த்தி உங்கள் பணிமூலம் எங்கள் பிணிகளை போக்க அல்லாஹ் உதவி செய்வானாக ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. MASHALLAH
posted by s.e.m. abdul cader (bahrain) [07 June 2011]
IP: 109.*.*.*

Bahrain | Comment Reference Number: 5098

இந்த வசதிகலை செய்து தந்த அனைவருகளுக்கும் மிகுந்த நன்றிகள். வல்ல நாயன் நம் அனைவர்களையும் நல்லதை மட்டும் நம் காதால் கேட்டு நல்ல வழிகளில் நடந்து, நன்மைகள் பல செய்ய அருள் புரிவாக ஆமீன். வல்ல நாயன் இந்த புனித புகாரி ஷரீப் உடைய நல்ல சேவைகள் கடைசி வரை தொடர உதவி செய்வானக. ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. எங்கள் பூட்டன்மார்கள் விட்டு சென்ற சொத்து.
posted by s.s.md meera sahib (riyadh) [07 June 2011]
IP: 2.*.*.*

Saudi Arabia | Comment Reference Number: 5101

அஸ்ஸலாமு அலைக்கும். காயல்பட்டினம் கிழக்குப் பகுதியில், கடற்கரையையொட்டி அமைந்துள்ளது மஜ்லிஸுல் புகாரிஷ் ஷரீஃப் ஸபை. கடந்த 83 ஆண்டுகளாக வருடந்தோறும் ரஜப் மாதத்தில் அல்ஜாமிஉஸ் ஸஹீஹுல் புகாரீ எனும் நபிமொழிக் கிரந்தம் 30 நாட்கள் முழுமையாக ஓதப்பட்டு, அனுதினமும் ஓதப்படும் பொன்மொழிகளுக்கான விளக்கவுரைகள் மார்க்க அறிஞர்களால் வழங்கப்பட்டு வருகிறது. அல்ஹம்துலில்லாஹ். மேலும் சபைக்கு செல்லமுடியாமல் இருப்பவர்களுக்கு பயான்களை வலை தலம் மூலம் கேட்பதற்கு ஏற்பாடு செய்து தந்த நிவாகத்திற்கு நன்றியினை தெறிவிக்கிறேன்.

அன்பு சகோதரர்களே.... நாம் நம், பாட்டன், பூட்டன்மார் விட்டு சென்ற பல, பல போக்கிசம்களை இன்று நவீன, நாகரீகம் (புத்திக்கு எட்டவில்லை) என்ற பெயரால் எல்லாவற்றையும் இழந்து கொண்டு இருக்கிறோம். அந்தவகையில் இந்த கண்ணியமிகு சபை நம் பூட்டன்மர்களின் சொத்து. கட்டிகாப்பது நம் ஊர் மக்களின் கடமை. எல்லாம் வல்ல அல்லாஹ் இந்த கண்ணியமிகு சபையை கியாமத் நாள்வரை அதன் சேவை தொடர அருள் புரிவானாக ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்