{ முகநூல் கருத்துக்கள்}{ட்விட்டர் கருத்துக்கள்}

மே மாதம் வெளியான பத்தாம் மற்றும் பன்னிரண்டாம் வகுப்பு அரசு பொது தேர்வுமுடிவுகளில் - மாநில அளவில் முதல் இடங்கள் பெற்ற மாணவ, மாணவியர் இன்று தமிழக முதல்வர் ஜெ. ஜெயலலிதாவை இன்று சந்தித்து, பரிசுகள் பெற்றனர். இது குறித்து தமிழக அரசு வெளியிட்டுள்ள செய்திகுறிப்பில் தெரிவித்திருப்பதாவது:-

தமிழக முதலமைச்சர் ஜெ.ஜெயலலிதா இன்று (6.6.2011) தலைமைச் செயலகத்தில் 2010-2011 ஆம் கல்வி ஆண்டில் நடைபெற்ற அரசு பொதுத் தேர்வுகளில் மாநில அளவில் முதல் மூன்று இடங்களை பெற்ற மாணவர்களுக்கு ரொக்கப் பரிசுகளையும், சான்றிதழ்களையும் வழங்கி பாராட்டினார்.

தமிழக முதலமைச்சர் ஜெ.ஜெயலலிதா மாணவர்கள் கல்வி கற்று வாழ்க்கையில் மென்மேலும் உயர்ந்து, சமுதாயத்திற்கும், நாட்டிற்கும் நல்ல குடிமகன்களாக உயர பல நல்ல திட்டங்களைத் தீட்டி செயல்படுத்தி வருகிறார்.



தமிழக முதலமைச்சர் ஜெ.ஜெயலலிதா +2 பொதுத் தேர்வில் முதலிடத்தைப் பிடித்த ஒரு மாணவருக்கு 50,000 ரூபாயும், இரண்டாம் இடம் பிடித்த ஒரு மாணவருக்கு 30,000 ரூபாயும், மூன்றாம் இடம் பிடித்த நான்கு மாணவர்களுக்கு தலா 20,000 ரூபாய் வீதம், 80 ஆயிரம் ரூபாயும், ஆகா மொத்தம் 6 மாணவர்களுக்கு ஒரு லட்சத்து 60 ஆயிரம் ரூபாய் ரொக்க பரிசுடன், பாராட்டு சான்றிதழ்களையும் வழங்கி பாராட்டினார்.



பத்தாம் வகுப்பு அரசுப் பொதுத் தேர்வில் (SSLC) முதலிடத்தைப் பிடித்த ஐந்து மானவர்களுக்க் தலா 25,000 ரூபாய் வீதம் ஒரு லட்சத்து 25 ஆயிரம் ரூபாயும், இரண்டாம் இடம் பிடித்த 10 மாணவர்களுக்கு தலா 20,000 ரூபாய் வீதம், 2 லட்சம் ரூபாயும், மூன்றாம் இடம் பிடித்த 24 மாணவர்களுக்கு தலா 15,000 ரூபாய் வீதம், 3 லட்சத்து 60 ஆயிரம் ரூபாயும் ஆக மொத்தம் 39 மாணவர்களுக்கு, 6 லட்சத்து 85 ஆயிரம் ரூபாய் ரொக்கப் பரிசுடன், பரிசுடன், பாராட்டு சான்றிதழ்களையும் வழங்கி பாராட்டினார்.



அதை தொடர்ந்து, பத்தாம் வகுப்பு மெட்ரிக்குலேசன் தேர்வில் முதல் இடத்தைப் பிடித்த மூன்று மாணவர்களுக்கு தலா 25,000 ரூபாய் வீதம், 75 ஆயிரம் ரூபாயும், இரண்டாம் இடம் பிடித்த 10 மாணவர்களுக்கு தலா 20,000 ரூபாய் வீதம், 2 லட்சம் ரூபாயும், மூன்றாம் இடம் பிடித்த 20 மாணவர்களுக்கு தலா 15,000 ரூபாய் வீதம், 3 லட்சம் ரூபாயும் ஆக மொத்தம் 33 மாணவர்களுக்கு 5 லட்சத்து 75 ஆயிரம் ரூபாய் ரொக்கப் பரிசுடன், பாராட்டு சான்றிதழ்களையும் வழங்கி பாராட்டினார்.

தமிழக முதலமைச்சர் ஜெ.ஜெயலலிதா கடந்த கல்வியாண்டில் (2010-2011) நடைபெற்ற அரசுப் பொது தேர்வுகளில் மாநில அளவில் முதல் மூன்று இடங்களை பிடித்த மொத்தம் 78 மாணவர்களுக்கு 14 லட்சத்து 20 ஆயிரம் ரூபாய் ரொக்கப் பரிசு மற்றும் பாராட்டுச் சான்றிதழ்களை வழங்கி, மாணவர்கள் மேலும் கேள்வியில் சிறந்து விளங்கி, அதன் வழி நின்று அறிவுடன் கூடிய நன்னடத்தை, நல்லொழுக்கம் ஆகிய பண்புகளுடன் வாழ்வில் மேலும் உயர வாழ்த்தினார்.

மேலும், முதலமைச்சர் ஜெயலலிதா, மாநில அளவில் முதல் மூன்று இடங்களை பிடித்த மாணவர்களுக்கு ஆக்கமும், ஊக்கமும் அளித்து, தன்னம்பிக்கை, விடா முயற்சி ஊட்டி சாதனை படைக்க வாய்த்த ஆசிரியர்களுக்கும், பெற்றோர்களுக்கும் தனது வாழ்த்துகளை தெரிவித்துக் கொண்டார்.

இவ்வாறு அவ்வறிக்கையில் தெரிவிக்கப்பட்டுள்ளது.