{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியின் கணினித்துறை மற்றும் தகவல் தொழில்நுட்பத்துறை இணைந்து, கணினியை பழுது நீக்குவதெப்படி என்ற தலைப்பில், 22.09.2011 அன்று காலை 11.00 மணி முதல் மதியம் 01.00 மணி வரை கருத்தரங்கத்தை நடத்தின.

இவ்விரு துறைகளைச் சார்ந்த ஆசிரியையர் மற்றும் மாணவியர் திரளாகக் கலந்துகொண்ட இக்கருத்தரங்கில், கல்லூரியின் கணினி பொறியாளர் டபிள்யு.கே.ஏ.ஷாஹுல் ஹமீத் கலந்துகொண்டு, கணினி பழுது நீக்கம் குறித்து விளக்கிப் பேசியதோடு, இதுகுறித்த மாணவியரின் சந்தேகங்களுக்கும் விளக்கமளித்தார்.

கருத்தரங்க ஏற்பாடுகளை, கல்லூரியின் கணினித்துறை தலைவி ஜெனீஃபா ஜெபச்செல்வி, தகவல் தொழில்நுட்பத்துறை தலைவி சித்திரா தேவி ஆகியோர் செய்திருந்தனர்.