காயல்பட்டினம் தைக்கா தெரு, ஸாஹிப் அப்பா தைக்காவில் அமைந்துள்ளது மஹான் உமர் வலிய்யுல்லாஹ் அவர்களின் மண்ணறை. இங்கு ஆண்டுதோறும் மஹான் அவர்களின் பெயரில் நினைவு நாள் நிகழ்ச்சிகள் நடத்தப்படுவது வழமை.

அந்த அடிப்படையில், இவ்வாண்டின் நினைவு நாள் நிகழ்ச்சிகள் 11.10.2011 அன்று நடைபெற்றது.

அன்று மாலை அஸ்ர் தொழுகைக்குப் பின் மவ்லித் மஜ்லிஸும், மஃரிப் தொழுகைக்குப் பின் ராத்திபத்துல் காதிரிய்யா திக்ர் மஜ்லிஸும் நடைபெற்றது.

இஷா தொழுகைக்குப் பின் மஹான் அவர்களின் வாழ்க்கைச் சரித உரையை, காயல்பட்டினம் மஹ்ழரத்துல் காதிரிய்யா அரபிக்கல்லூரியின் பேராசிரியர் மவ்லவீ ஹாஃபிழ் எஸ்.செய்யித் அப்துர்ரஹ்மான் தங்கள் அஹ்ஸனீ ஃபாழில் பாக்கவீ நிகழ்த்தினார்.



துஆ ஸலவாத்துடன் நிகழ்ச்சிகள் நிறைவுற்றன. இந்நிகழ்ச்சியில் பொதுமக்கள் திரளாகக் கலந்துகொண்டனர். அனைவருக்கும் நேர்ச்சை வினியோகம் செய்யப்பட்டது.

படங்கள்:
செய்யித் இப்றாஹீம்,
சொளுக்கார் தெரு, காயல்பட்டினம்.