|
மழ்ஹருல் ஆபிதீன் சன்மார்க்க சபையின் செயலாளர் பாளையம் இபுறாஹீம் அவர்களின் மகளும், நகர்மனறத்தலைவியுமான P.M.I. ஆபிதா B.Sc., B.Ed., அவர்களுக்கும், 5வது வார்டு உறுப்பினர் ஜஹாங்கீர் அவர்களுக்கும் மழ்ஹருல் ஆபிதீன் சன்மார்க்க சபையின் சார்பாக பாராட்டு விழா மழ்ஹருல் ஆபிதீன் சன்மார்க்க சபையில் வைத்து நடைபெற்றது. 16வது வார்டு உறுப்பினரான S.A. சாமு சிஹாபுத்தீன் அவர்கள் தவிர்க்க முடியாத காரணத்தால் வெளியூரில் இருந்ததால் நிகழ்ச்சியில் கலந்து கொள்ளவில்லை.
இந்த நிகழ்ச்சியை ஆரம்பமாக இறைமறை ஒதி மழ்ஹருல் ஆபிதீன் சன்மார்க்க சபை மாணவர் S.M. முத்து மொகுதூம் துவக்கி வைத்தார். தொடர்ந்து இறைவாழ்த்து மத்ரஸா மாணவர்களால் பாடப்பட்டது.அதனைத் தொடர்ந்து நிகழ்ச்சிக்கு வந்திருந்த அனைவரையும் எல்.கே.மேல்நிலைப்பள்ளி ஆசிரியரும் மழ்ஹருல் ஆபிதீன் சன்மார்க்க சபையின் உறுப்பினருமான கலீபா சதக்கத்துல்லா B.Sc., B.Ed., அவர்கள் வரவேற்று பேசினார். தொடர்ந்து மழ்ஹருல் ஆபிதீன் சன்மார்க்க சபையின் முதல்வர் A.H.M.A. மிஸ்கீன் சாஹிப் ஆலிம் ஃபாஸி அவர்கள் தலைமைத்துவத்தின் பொறுப்புகள் பற்றி சிறிது நேரம் உரையாற்றினார்.
அதனைத் தொடர்ந்து நகர்மன்றத்தலைவர் ஆபிதா அவர்களை மழ்ஹருல் ஆபிதீன் சன்மார்க்க சபையின் துணைத் தலைவரும் புதுப்பள்ளியின் முன்னாள் தலைவரும், நகர்மன்றத்தலைவரின் பெரியப்பாவுமாகிய பாளையம் முஹ்யித்தீன் அப்துல் காதர் அவர்கள் பொன்னாடை போர்த்தி கௌரவித்தார்கள்.
பின்னர் 5வது வார்டு உறுப்பினர் ஜஹாங்கீர் அவர்களை மத்ரஸாவின் முதல்வர் A.H.M.A. மிஸ்கீன் சாஹிப் ஆலிம் ஃபாஸி அவர்கள் பொன்னாடை போர்த்தி கௌரவித்தார்கள். இறுதியாக சென்ட்ரல் மேல்நிலைப்பள்ளி ஆசிரியரும் மழ்ஹருல் ஆபிதீன் சன்மார்க்க சபையின் உறுப்பினருமான Z.A. சேக் அப்துல் காதர் M.A.,B.Ed., M.Phil., அவர்கள் நன்றி நவில பாளையம் நயீம் உதுமான் அவர்களின் துஆ பிரார்த்தனையோடு நிகழ்ச்சி நிறைவு பெற்றது.
நிகழ்ச்சிகள் யாவையும் எல்.கே. மேல்நிலைப்பள்ளி ஆசிரியரும், மழ்ஹருல் ஆபிதீன் சன்மார்க்க சபையின் உறுப்பினருமான கலீஃபா சதக்கத்துல்லாஹ் அவர்கள் நெறிப்படுத்தினார். நிகழ்ச்சியில் மத்ரஸா ஆசிரியர்கள், நிர்வாகிகள் மற்றும் மாணவர்களும் ரிஜ்வான் சங்க உறுப்பினர்களான M.S. சதக்கத்துலலாஹ், அப்துல் காதர் நெய்னா, அமீன் மற்றும் பலர் கலந்து கொண்டனர்.
தகவல் மற்றும் போட்டோ உதவி :
நூஹு சாஹிபு,
உறுப்பினர், மழ்ஹருல் ஆபிதீன் சன்மார்க்க சபை.
|
India
