|
அண்மையில் பெய்த தொடர்மழை காரணமாக, காயல்பட்டினம் கடற்கரையில் அமைக்கப்பட்டுள்ள ஒளிவெள்ள விளக்குகள் கடந்த பத்து நாட்களுக்கும் மேலாக பழுதடைந்திருந்தது. அதனை சரிசெய்யுமாறு 08ஆவது வார்டு உறுப்பினர் எம்.எம்.டி.பீவி ஃபாத்திமா என்ற பெத்தாதாயிடம் பொதுமக்கள் கோரிக்கை விடுத்தனர்.
அதனையடுத்து, அவர் நகர்மன்றத் தலைவர் ஐ.ஆபிதாவிடம் முறையிட்டார். உடனடியாக அதனை பழுது நீக்கிட ஆவன செய்யுமாறு நகர்மன்றத் தலைவர் கேட்டுக்கொண்டதன் பேரில், நகர்மன்றத் துணைத்தலைவர் எஸ்.எம்.முகைதீன் என்ற மும்பை முகைதீனின் நேரடி நடவடிக்கை மூலம் 07.12.2011 அன்று இரவு 08.00 மணியளவில் கடற்கரை ஒளிவெள்ள விளக்கின் பழுதுகள் சரிசெய்யப்பட்டன.
அண்மையில் பெய்த தொடர்மழையால், மின் கம்பத்திலிருந்து ஒளிவெள்ள விளக்கு கம்பம் வரை மின்சாரத்தைக் கொண்டு வரும் வயர்கள் எரிந்து துண்டிக்கப்பட்டிருந்ததால் இப்பழுது ஏற்பட்டதாக, பழுது நீக்கம் செய்த அத்துறை வல்லுனர் தெரிவித்தார்.
இந்நிகழ்வின்போது, 08ஆவது வார்டு உறுப்பினர் பெத்தாதாய் சார்பாக சதக் உமர் உடனிருந்தார்.
 |
Singapore
Saudi Arabia
India
