Kayal on the Web

செய்திகள்

செய்தி எண் (ID #) 8221

#KOTW8221

வெள்ளி, மார்ச் 30, 2012

கிழக்கு கடற்கரை சாலை காயல்பட்டினம் வழியே அமைக்கப்பட வேண்டும்! நகர தேமுதிக வலியுறுத்தல்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2790 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழக அரசால் அமைக்கப்பட்டு வரும் கிழக்கு கடற்கரை சாலை (ECR Road) காயல்பட்டினம் வழியாக அமைக்கப்பட வேண்டும் என தேசிய முற்போக்கு திராவிடர் கழகத்தின் காயல்பட்டினம் நகர கிளை வலியுறுத்தியுள்ளது.

இதுகுறித்து, அக்கட்சியின் தலைவர் எம்.ஏ.கே.ஜெய்னுல் ஆப்தீன் வெளியிட்டுள்ள அறிக்கை பின்வருமாறு:-

அஸ்ஸலாமு அலைக்கும். கிழக்கு கடற்கரைச் சாலை(ECR road) நமதூருக்கு கண்டிப்பாக தேவை. ஏன் என்றால் இப்பொழுது ரயில் ஏற நாம் ஆறுமுகநேரி செல்கிறோமோ அதேபோல் பஸ் ஏறவேண்டும் என்றால் ஆறுமுகநேரி சென்று ஏற வேண்டிய சூழ்நிலை ஏற்படும்.

அதனால் இது விஷயத்தில் நாம் (தேசிய முற்போக்கு திராவிட கழகம்) கவனம் கொண்டு சென்ற மூன்று மாதங்களுக்கு முன்னாள் நமது நகர் மன்ற தலைவி மற்றும் நகர்மன்ற உறுப்பினர்களையும் நேரில் சந்தித்து அது சம்பதமாக விளக்கி சொன்னோம். அவர்களும் உடனே அதற்கான மனு தயார் செய்து மாவட்ட ஆட்சியரிடம் அளித்தனர்.

அதேபோல் காயல்பட்டணம் நகர தேசிய முற்போக்கு திராவிட கழகம்சார்பாக கடந்த 26/03/2012 அன்று மாவட்ட ஆட்சியருடம் கிழக்கு கடற்கரைச் சாலை (ECR road) நமதூர் வழியாக கொண்டு வர வேண்டும் என்று மனு அளிக்கப்பட்டது.

இதேபோல் நமதூரில் உள்ள அனைத்து சங்கங்களும், அனைத்து பொதுநல அமைப்புகளும் தனித்தனியே மாவட்ட ஆட்சியருக்கும், முதலமைச்சர் அவர்களுக்கும் உடனடியாக மனு அளித்து நமதூர் மக்கள் நமதூரிலேயே பஸ் ஏறக்கூடிய வாய்ப்பை ஏற்படுத்திக் கொடுக்குமாறு காயல்பட்டணம் நகர தேசிய முற்போக்கு திராவிட கழகம் சார்பாக அன்புடன் கேட்டுக் கொள்கிறோம்.

இவ்வாறு, தேமுதிக காயல்பட்டினம் நகர தலைவர் எம்.ஏ.கே.ஜெய்னுல் ஆப்தீன் தனதறிக்கையில் தெரிவித்துள்ளார்.

{TAGS} ecr east coast road dmdk makza

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:கிழக்கு கடற்கரை சாலை காயல...
posted by V D SADAK THAMBY (Hong Kong) [30 March 2012]
IP: 119.*.*.*

Hong Kong | Comment Reference Number: 17966

தேமுதிக வின் முயற்சி பாராட்டத்தக்கதுதான்.

எனினும் நமது ஊரின் அனைத்து கட்சி மற்றும் அமைப்புகளையும் இதில் ஒருங்கிணைத்து , ஒன்றாக சேர்ந்து போராடினால் வெற்றி நிச்சயம் கிடைக்கும்.

ECR நமது ஊருக்கு மிகவும் அத்தியாவசியமானது.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:கிழக்கு கடற்கரை சாலை காயல...
posted by K.D.N.MOHAMED LEBBAI (AL-KHOBAR) [30 March 2012]
IP: 37.*.*.*

Saudi Arabia | Comment Reference Number: 17969

அஸ்ஸலாமு அலைக்கும்.

தேமுதிக . நகர தலைவர்.M.A.K..ஜெய்னுல் ஆப்தீன் அவர்களின் அறிக்கை. நியாயமானது & நமது ஊருக்கு மிக அவசியமானதும் கூட . நம் ஊர் அணைத்து ஏனைய அரசியல் கட்சிகளும் ஓன்று சேர்ந்து ஓற்றுமையாக செயல்பட்டாள். நல்லது + நமக்கு வெற்றியும் சேர்ந்து கிடைக்கும் .

நமதூர் .தேமுதிக . நகர தலைவர்.ஜனாப்..M.A.K.Z.A. அவர்கள் கூறியது போன்று நம் மக்கள் பஸ் ஏற ஆறுமுகநேரி போக கூடிய சூழ் நிலை வர கூடாது என்றல் நம் ஊர் அரசியல் கட்சிகளின் ஓற்றுமை அவசியம் .

>>>>>>>> நாம் சிந்திப்போம் & ஓற்றுமையாக செயல்படுவோம் >>>>>>

வஸ்ஸலாம்
K.D.N.MOHAMED LEBBAI
AL-KHOBAR

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:கிழக்கு கடற்கரை சாலை காயல...
posted by Salih (Chennai) [30 March 2012]
IP: 122.*.*.*

India | Comment Reference Number: 17970

கிழக்கு கடற்க்கரைச் சாலை காயல்பட்டினம் வழியாக அமையாவிட்டால் நாம் ஆறுமுகநேரி சென்று பேரூந்து ஏற வேண்டி இருக்கும் எனக்கூறுவது சரியென தெரியவில்லை. கிழக்கு கடற்க்கரைச் சாலை என்பது நெடுஞ்சாலை (Highway). அது தாண்டி செல்லும் ஊர்களில் இருந்து - அதனுடன் இணைய - இணைப்புச் சாலைகள் வசதி கண்டிப்பாக இருக்கும்.

கிழக்கு கடற்க்கரைச் சாலை காயல்பட்டினம் வழியாக அமைந்தால் நன்மைகள் சில உண்டு. இருப்பினும் சில ஆபத்துக்களும் உண்டு என்பதை கவனத்தில் கொள்ளவேண்டும்.

சென்னையில் இருந்து கன்னியாக்குமரி வரை செல்லும் சாலை என்பதால் - இப்பாதையில் லாரி போன்ற பெரிய வாகனங்களின் போக்குவரத்து அதிகமாக இருக்கும். மேலும் அதி வேக பாதை என்பதால் விபத்துக்களுக்கு வாய்ப்புகள் அதிகம். மேலும் - வாகனப்புகை போன்ற பிரச்சனைகளும் நம் நகர் எல்லைக்குள் அதிகரிக்கும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்