|
காயல்பட்டினம் ஆறாம்பள்ளித் தெருவின் வடமுனையில் அமைந்துள்ளது காதிரிய்யா கொடிமர சிறுநெய்னார் பள்ளிவாசல்.
இப்பள்ளியின் தலைவராக ஹாஜி எஸ்.ஏ.கே.மஹ்மூத் நெய்னா, செயலாளராக எம்.ஏ.மஹ்மூத் என்ற பட்டறை மஹ்மூத் ஆகியோரும், 23 செயற்குழு உறுப்பினர்களும் சேவையாற்றி வருகின்றனர்.
இப்பள்ளியின் இமாமாக மேலப்பாளையத்தைச் சேர்ந்த ஹாஃபிழ் வி.எஸ்.ஏ.முஹம்மத் அப்துல் காதிர் தலைமை இமாமாகவும், மவ்லவீ எம்.இசட்.முஹம்மத் அப்துல் காதிர் மஸ்லஹீ துணை இமாமாகவும் பணியாற்றி வருகின்றனர். பிலால் பொறுப்பை இவ்விருவரும் பகிர்ந்து செய்து வருகின்றனர்.
இப்பள்ளியில், தினமும் நோன்புக் கஞ்சி தயாரிக்கப்படுகிறது. நடப்பாண்டில், கஞ்சி தயாரிப்பிற்கென பள்ளி வளாகத்தில் மேற்கூரை அமைக்கப்பட்ட தனி இடம் ஒதுக்கப்பட்டுள்ளது.
கிடா கறி கஞ்சிக்கு ரூபாய் 10,000 தொகையும், கோழி கறி கஞ்சிக்கு ரூபாய் 8,500 தொகையும், வெண்கஞ்சிக்கு ரூபாய் 6,000 தொகையும் உத்தேசமாக செலவிடப்படுகிறது. (அன்றைய தினத்தின் ரமழான் தொடர்பான அனைத்து செலவினங்களும் இதில் அடக்கம்.)
தினமும் தயாரிக்கப்படும் நோன்புக் கஞ்சியை சுமார் 200க்கும் மேற்பட்ட குடும்பத்தினர் பெற்றுச் செல்கின்றனர்.
தினமும் இப்பள்ளியில் இஃப்தார் - நோன்பு துறப்பு நிகழ்ச்சி நடத்தப்படுகிறது. இதில் சுமார் 50 பேர் வரை கலந்துகொள்கின்றனர். அவர்களுக்கு பேரீத்தம்பழம், தண்ணீர் பாக்கெட், இரு வகை வடை, இரு வகை குளிர்பானம் உள்ளிட்ட பதார்த்தங்கள் பரிமாறப்படுகிறது.
கடந்த 26.06.2012 அன்று மாலை 05.30 மணியளவில், ஹாஜி எம்.டி.முஹம்மத் அபூபக்கர் சித்தீக் தலைமையில் நடைபெற்ற கலந்தாலோசனைக் கூட்டத்தில், நடப்பாண்டு ரமழான் மாதத்திற்கான கஞ்சி கமிட்டி தேர்வு செய்யப்பட்டது.
கஞ்சி கமிட்டியின் தலைவராக பாலப்பா அபுல்காஸிம், துணைத்தலைவராக ஹாஜி எம்.டி.முத்து முஹம்மத், செயலாளராக ஹாஜி எம்.ஏ.கிதுரு முஹம்மத், துணைச் செயலாளர்களாக ஹாஜி எஸ்.எம்.ஏ.ஷாஹுல் ஹமீத், எம்.ஏ.எஸ்.முஹம்மத் அலீ, மோக்கோ எம்.டி.ஷெய்கு அப்துல் காதிர் ஸூஃபீ ஆகியோர் சேவையாற்றி வருகின்றனர்.
இப்பள்ளி குறித்த மேலதிக விபரங்களைப் பார்வையிட இங்கே சொடுக்குக!
களத்தொகுப்பில் உதவி:
கவிமகன் காதர். |
China
Qatar
Vietnam
Saudi Arabia
Thailand
United States
