{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் - திருச்செந்தூர் சாலையில், வாவு வஜீஹா வனிதையர் கல்லூரியின் வடபுறத்திலுள்ள தனியார் நிலத்தின் முட்புதரில், நேற்று மாலை 04.30 மணியளவில் தீப்பிடித்து எரிந்தது. சுமார் 2 மணி நேரம் தொடர்ந்தெரிந்த காரணத்தால், அப்பகுதியே புகை மூட்டமாகக் காணப்பட்டது.

தீ எரிவதைக் கண்ட சிலர் தீயணைப்புத் துறைக்கு தகவலளித்தன் பேரில், சில நிமிடங்களில் அங்கு விரைந்து வந்த திருச்செந்தூர் தீயணைப்புத் துறையினர், விரைந்து செயல்பட்டு தீயை அணைத்தனர்.









இப்பகுதியில், கடந்த மாதம் 09ஆம் தேதியன்றும் தனியார் நிலத்தில் தீ எரிந்ததும், தீயணைப்புப் படையினர் வந்து தீயை அணைத்துவிட்டு சென்றதும் குறிப்பிடத்தக்கது.

தகவல் & படங்கள்:
ஹம்ஸா இஸ்மாஈல்