IP: 115.*.*.* India

இது ஒரு தவறான முன்னெடுப்பு ....

நல்ல ஆவணப்படங்கள் To நல்ல படங்கள் ...என்று போனால் ...

கலாச்சார மாற்றத்தின் ஆரம்பம் இது...

IP: 180.*.*.* India

சகோதரர் ஹஸனின் கவலை புரிகின்றது.

ஆனால் ஆவணப்படங்களை திரையிட்ட பிறகே யாருக்கும் அது குறித்து ஒரு முடிவிற்கு வர இயலும். முன் அனுமானங்களின் , ஊகங்களின் அடிப்படையில் தீர்ப்புரைப்பது சரியாக இருக்காது.

ஒரு காலத்தில் ஆங்கிலம் பேசுவது ஹராம் , முழு நீள காற்சட்டை அணிவது நம் பண்பாட்டிற்கு எதிரானது , ஒலி பெருக்கி = ஷைத்தானின் குரல் , ஒளிப்படம் , சலனப்படம் ஆகவே ஆகாது என தீர்ப்புகள் வெளிவந்தன. ஆனால் காலமானது அந்த தீர்ப்புகளுக்கு கொடுத்த விடையை நாம் அனைவரும் அறிவோம்.

இவ்வகையான தீர்ப்பு கொடுத்த பெருமக்களின் சமூக அக்கறையை யாரும் குறைத்து மதிப்பிட்டு விட முடியாது. அன்றைய நாட்களில் புதிய கண்டுபிடிப்புகளும் வளரும் தொழில் நுட்பங்களும் சாமானியனை மிரள வைத்தது உண்மைதான். அதில் அந்த பெருமக்களுக்கும் விதிவிலக்கில்லை.

அறிவியலின் புதிய கண்டுபிடிப்புகளையும் வளரும் தொழில் நுட்பங்களையும் நாம் ஒட்டு மொத்தமாக நிராகரிக்க முடியாது. அவை மனிதன் வழியாக இறைவன் இந்த மனித குலத்திற்கு வழங்கிய அருட்கொடைகளாகும்.

அவற்றின் தவறான பயன்பாட்டிற்கு உரிய காப்புகளை செய்து கொண்டு அவற்றை நாம் முறையான வழியில் பயன்படுத்துவதே சரியாக இருக்கும்.

இந்த அருட்கொடைகளை நாம் சரியான வழியில் பயன்படுத்துவதே தவறென தீர்ப்பளித்தால் அவற்றை முறைகேடாக பயன்படுத்துவதை எப்படி தடுப்பது ?

இந்த நேரத்தில் சமகால முஜ்தஹித் அஷ்ஷேஹ் யூஸுஃப் அல் கர்ளாவி அவர்களின் மேற்கோளை இங்கு குறிப்பிடுவது பொருத்தமாக இருக்கும்.

“ படவியை { கேமிரா } நாம் கண்டுபிடிக்கவில்லை. ஆனால் ஒளிப்படம் கூடுமா? கூடாதா? என்ற முடிவற்ற விவாதங்களுக்குள் நாம் மூழ்கிக்கொண்டிருக்கின்றோம். வல்லரசுகளும் எதிரி நாடுகளும் முஸ்லிம்களின் நாடுகளையும் நிலப்பரப்புகளையும் இயற்கை வளங்களையும் அங்குலம் அங்குலமாக படம் பிடித்து கண்காணித்துக் கொண்டிருக்கின்றார்கள்”..

IP: 61.*.*.* India

ஆவணப்படங்கள் என்பது சினிமாவிலிருந்து முற்றிலும் மாறுபட்டது. ஆடல், பாடல், நடனம் போன்ற அருவெறுப்பான காட்சிகள் கிடையாது. ஒரு சமூகத்தை ஒடுக்க நினைக்கும் அல்லது ஒழிக்க நினைக்கும் தரங்கெட்ட சினிமா கதைகள் இல்லாமல், கலாச்சாரம், பண்பாடு, சமூக அவலங்கள் போன்றவற்றை வெளிச்சத்திற்கு கொண்டுவரும் காலக்கண்னாடியே ஆவணப்படங்கள்.

இதில் நல்ல படிப்பினையும், கருத்தாழமும் இருக்கும். எடுத்ததற்கெல்லாம் கூடாது, மார்க்கத்தில் அனுமதி இல்லை என ஒதுக்கியும் ஒதுங்கியும் இருப்பதால்தான் நம் சமூகம் பல்வேறு இன்னல்களைச் சந்திக்க நேரிடுகின்றது. உதாரணமாக பிர சமுதாய மக்கள் நம்மை ஒரு வேண்டத்தாகதவர்கள் போல எண்ணும் அளவிற்கு சினிமா சந்தையில் நாம் சித்தரிக்கப்பாடுள்ளோம்.

சமீபத்தில் நான் பார்த்த ஒரு ஆவணப்படத்தில் நபிபெருமானாரின் அழகிய போதனைகளை முன்னிறுத்தி களவு ஹராம் எனும் கருத்தை வலியுறுத்தி அழகிய காட்சிப்பதிவுகளைக் கண்டேன். அதுபோல தி மெசேஜ் எனும் இஸ்லாமிய சரித்திரப் படம் தற்போது நம் காயலரின் கைவண்ணத்தில் தமிழில் மொழியாக்கம் செய்து வெளிவந்துள்ளது. நாம் சரித்திரங்கள் வாயிலாக படித்தறிந்த நிகழ்வுகளை காட்சியாக காணும் போது இன்னும் ஆழமாக நம் மனதில் பதிந்தது குறிப்பிடத்தக்கது.

கூடாது எனறு கூறிக்கொண்டே நம் வீடுகளில் சதா அழுகுரல் அல்லது ஆத்திரம், ஆவேசப்பேச்சுக்கள், குடியைக்கெடுக்கும் சூத்திர மந்திரங்களை பாத்திரங்களாக படைத்து நம் தாய்க்குலங்களை அடிமைபடுத்தி அன்றாடம் அடுக்கடுக்காக ஓலமிட்டு வரும் தொலைக்காட்சி தொடர்களை நம்மால் தடுக்கவோ, தவிர்க்கவோ இயலவில்லையே?

சீரழிவின் விளிம்பில் நம் தாய்க்குலங்களை இழுத்துச் செல்லும் கேடுகெட்ட சின்னத்திரை கலாச்சாரத்திற்கு முற்றுப்புள்ளி வைக்க வேண்டுமானால் நல்ல ஆவனப்படங்கள் அவசியமானதே! இதில் மார்க்கத்தை நுழைக்காது மனம் திறந்து யோசித்தால் பல கேள்விகளுக்கும் விடை கிடைக்கும்.

-ஹிஜாஸ் மைந்தன்.

IP: 2.*.*.* United Arab Emirates

ஆவனங்களை பாதுகாக்கவும், பிறருக்கு எடுத்துக்காட்டவும் பயன்படும் வழிகளில் எழுத்து, ஓவியம், புகைப்படம் வரிசையின் பரிணாமம் இன்று ஒளிப்படங்களாக மாற்றம் கண்டிருப்பது ஒரு சாதாரண நிகழ்வு.

பத்திரிக்கைகளில் சில மஞ்சள் ஏடுகளும் வெளிவருகிறது என்பதால் வாசிப்பதையே சந்தேகிப்பதை எப்படி சரிகான இயலாதோ அதுபோலவே சகோ.ஹஸன் அவர்களின் கருத்துக்கும் உடன்பட முடியவில்லை.

நல்ல பொழுதுபோக்குகளின் இல்லாமையும் டீவி சீரியல்களில் ஒப்பாரிகளில் வீனாவதற்கு ஒரு காரணம்தான் என்பதை மறுப்பதற்கில்லை.

என்றாலும், "இதில் மார்க்கத்தை நுழைக்காது மனம் திறந்து யோசித்தால்" என்னும் சகோ. ரபீக் அவர்களின் வார்த்தைகள், மனம் திறக்க மார்க்கம் விடுதல் அவசியம் என்பது போன்ற ஒரு நிபத்தனைத் தொனியை தருவதால் சின்ன நெருடலை ஏற்படுத்துகிறது...

மார்க்கம் 'வரம்பு'களைச் சொல்லித்தருகிறது. நன்மையே கருதினாலும் 'மீறல்'களை நியாப்படுத்துவது நல்ல முன் உதாரணமாக இருக்கயிலாது.

இந்த முயற்சியில் அப்படியான மீறல் ஒன்றும் இல்லாத நிலையில் வரவேற்கப்பட வேண்டிய ஒன்றுதான்.

IP: 103.*.*.* India

Our scholars / Muftis of the past have issued fatwas against several inventions, and in fact there were some legitimate reasons for some of them. For example

1. Printing Press was Haram (about 500 years ago). Reason cited was "If you want to learn Sahih Bukhari, come to me (a scholar). I will teach you all the hadeeths, and you can write them down. If we print, IGNORANT PEOPLE WILL HAVE THE SAHIH BUKHARI copies and MISUNDERSTAND the hadeeths"

2. Radio was haram. The fear was, "How come a box repeat what was spoken from several kilometers away? It must be a sihr / black magic". King Faisal requested some scholars to recite Qur'an, and then everyone agreed that radio is not black magic.

While we should be moving forward in making use of MODERNITY (Tools, Laws, Thought processes, etc), let us also explain the stuff to those who don't understand. Also, let's RESPECT the old scholars who had disagreed with modernity

IP: 188.*.*.* Saudi Arabia

அன்று ஒரு காலம் இருந்தது,. பள்ளி வாசல்களில் ஒரு போட்டோ எடுக்க முடியாது. அப்படி ஒரு போட்டோ எடுத்து அந்த பிளாஷ் பட்டுவிட்டால், ஏதோ ஆசிட் மேலே பட்டமாதிரி பதறி விடுவார்கள். ஹராம் ஹராம் என்று கூச்சல்கள் வரும்.

இயங்காத காமெராவை நாம் கையில் வைத்து இருந்தாலும், அனைவர்களின் பார்வையிலும் ஒரு சூடு இருக்கும். இந்த ஹராமான செயலின் நிலைமை இன்று எப்படி இருக்கின்றது. பவர்புல் கேமராவை வைத்து, ஆன்லைன் ஒலிபரப்பு...!! அன்றைய ஹராம்.. இன்றைய ஹலாலா..!!

ஆக, மார்க்க வரம்பு முறைக்குள் இருந்தால் அனைத்தும் நலமே. வல்ல அல்லாஹ் அனைத்தையும் நன்கு அறிந்தவன்.

IP: 117.*.*.* India

எந்த ஒரு செயலைச் செய்தாலும், அதை நம் மார்க்க வரம்பிற்குள் நின்று செய்வது அவசியம் என்பதில் இருவேறு கருத்திருக்க வாய்ப்பில்லை. எது வரம்பு என்று தீர்மானிப்பதில்தான் கருத்து வேறுபாடுகள் பிறக்கின்றன.

இது இவ்வாறிருக்க, உலமாக்கள் - முஃப்திகளின் அக்கால ஃபத்வாக்களை பொத்தாம்பொதுவாக விமர்சிப்பதில் எனக்கு உடன்பாடில்லை. அன்று அவர்கள் அனைவரும் இறையச்ச (தக்வா) மேலீட்டால் வழங்கிய ஃபத்வாக்கள் அவை. இன்று நமக்கு இந்தக் கண்டுபிடிப்புகள் பழகிய ஒன்றாகிப் போனதால் நாம் இலகுவாக அவர்களது ஃபத்வாக்களை விமர்சிக்கிறோம். ஆனால், அன்று ஃபத்வா கொடுத்தோர் - அதை விமர்சித்தோர் என இரு சாராருக்குமே அக்கண்டுபிடிப்புகள் குறித்து இன்றிருக்கும் விளக்கம் இருந்திருக்க வாய்ப்பில்லை. எனவே, உளத்தூய்மையுடன் அவர்களின் அறிவுக்கு உட்பட்டு செயல்பட்டுள்ளனர் இரு சாராரும்.

புரிந்துகொள்வதற்காக தற்காலத்திற்கேற்ற எடுத்துக்காட்டு ஒன்று:-

இன்று உலகில் க்ளோனிங் குறித்தும், ஒருவருக்கு மூளைச் சாவு ஏற்பட்டால் அல்லது இறந்துவிட்டால், அவரது கண், சிறுநீரகம் உள்ளிட்ட உறுப்புகளை தானம் (உடல் தானம்) செய்வது குறித்தும் இக்கால மார்க்க அறிஞர்களிடம் கருத்து ஒற்றுமை இல்லை. நமக்கும் அதில் போதிய தெளிவில்லை. (சிலர், எனக்குத் தெளிவுள்ளது என்று வாதிடலாம். நான் பொதுவான மனப்பதிவைச் சொல்கிறேன்.)

ஆனால், இதே தெளிவற்ற நிலை இன்னும் பத்தாண்டுகளில் இருக்கப்போவதில்லை. அவ்வாறிருக்க - பிற்கால உலமாக்களும், பொதுமக்களும் இன்றைய கருத்து வேறுபாட்டை - அன்றைய உலமாக்களின் கருத்தை நாம் இன்று விமர்சித்துக் கொண்டிருப்பது போல விமர்சித்தால் அதில் வியப்பொன்றுமில்லை.

IP: 180.*.*.* India

ஒரு வித்தியாசமான சூழல்... டாபிக். இந்த அருமையான கலந்துரையாடலில் கலந்து கொள்ளும் வாய்ப்பு எனக்கு கிடைத்தது. மனம் திறந்து பேசும் போது தான் ஒரு மனிதன் ஆத்மார்த்தமான முறையில் எதை நேசிக்கிறான் என்பதனை அறிய முடிகின்றது. சதா ஒரு இறுக்கமான அல்லது நாம் இப்படிதான் அல்லது ஒரு குறுகிய வாழ்க்கை முறையில் / வட்டத்திற்குள் வசிக்கும் நம்மிடையே... இயற்கை வாழ்க்கை முறை , மாற்று அரசியல், சமூக நலன்களில் மாறுபட்ட சிந்தனை என்பவைகள் ஒரு புதிய பாதையை நோக்கி நம்மவர்கள் பயணிப்பதாக நம் சமூகத்தை வழிநடத்துவதாக நான் உணர்கின்றேன். இதற்கு மிக முக்கியமான தூண்டுதல் எழுத்தாளர் பஷீர் காக்கா என்றால் மிகையாகாது.

இங்கே பேசப்படும் பொருள் / செயல்திட்டம், சமூக அக்கறையுடன் மக்களின் வாழ்க்கை முறையை உணர்த்தும் "நல்ல ஆவணப்படம்". அவசரப்பட்டு 'கற்பனைக்கு' இடமளித்து & இது இப்படிதான் இருக்கும் ( Jumping into conclusion ) என்ற முடிவுக்கு வரவேண்டிய அவசியமில்லை. எழுத்து மேடை மையத்தில் அங்கம் வகிப்பவர்களும் சமூக ஆர்வலர்கள் மார்க்க பற்று மிக்கவர்கள் காயல் - இஸ்லாமிய கலாச்சாரத்தின் மீது அக்கறையுள்ளவர்கள் தான்.

குறுகிய பின்னோக்கிய சிந்தனையுடன் இருப்பதைவிட, நவீன யுகத்தில் மார்க்க வரைமுறைக்குட்பட்ட அனைத்து நல்ல விடயங்களையும் ஏற்று கொள்வதில் சமூக நலன்களுக்காக பயன்படுத்துவதில் தவறில்லை.