{ முகநூல் கருத்துக்கள்}{ட்விட்டர் கருத்துக்கள்}

நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்தநாளை முன்னிட்டும், மஹான் முஹ்யித்தீன் அப்துல் காதிர் ஜீலானீ ரஹ்மத்துல்லாஹி அலைஹி அவர்களின் நினைவு நாளை முன்னிட்டும் காயல்பட்டினம் வாவு வஜீஹா வனிதையர் கல்லூரியில் 06.03.2011 அன்று (நேற்று) காலை 11.00 மணிக்கு மீலாத் விழா நடைபெற்றது.

காயல்பட்டினம் மஹ்ழரா அரபிக்கல்லூரியின் முதல்வர் மவ்லவீ எஸ்.எஸ்.கலந்தர் மஸ்தான் ரஹ்மானீ காதிரீ தலைமையில் நடைபெற்ற இவ்விழாவில், நபிகள் நாயகம் ஸல்லல்லாஹு அலைஹி வஸல்லம் அவர்களின் புகழ்பாடும் சுபுஹான மவ்லிதும், மஹான் முஹ்யித்தீன் அப்துல் காதிர் ஜீலானீ ரஹ்மத்துல்லாஹி அலைஹி அவர்களின் புகழ்பாடும் முஹ்யித்தீன் மவ்லிதும் நடைபெற்றது.





மவ்லித் மஜ்லிஸ் நிறைவுற்றதும், லுஹர் தொழுகை அங்கேயே கூட்டாக நிறைவேற்றப்பட்ட பின், அனைவருக்கும் மதிய உணவு விருந்தோம்பல் செய்யப்பட்டது.

காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும், முஅஸ்கர் மகளிர் அரபிக்கல்லூரியின் நிறுவனருமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ, ஹாமிதிய்யா மார்க்கக் கல்வி நிறுவனத்தின் பேராசிரியர்கள் மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ, மவ்லவீ ஏ.சுல்தான் அப்துல் காதிர் ரஹ்மானீ, மவ்லவீ ஹாஃபிழ் முத்துச்சுடர் என்.டி.எஸ்.முஹம்மத் ஸாலிஹ் மஹ்ழரீ,

முஹ்யித்தீன் மெட்ரிகுலேஷன் மேனிலைப்பள்ளி நிர்வாகி முனைவர் ஹாஜி ஆர்.எஸ்.அப்துல் லத்தீஃப், காயல்பட்டினம் முஸ்லிம் ஐக்கியப் பேரவையின் தலைவர் ஹாஜி எம்.எம்.உவைஸ், துணைத்தலைவர் ஹாஜி எஸ்.எம்.மிஸ்கீன் ஸாஹிப் ஃபாஸீ, ஒருங்கிணைப்பாளர் ஹாஜி சொளுக்கு எஸ்.எஸ்.எம். முஹம்மத் இஸ்மாஈல் முத்து ஹாஜி, பொருளாளர் ஹாஜி செய்யித் முஹம்மத் அலீ, குருவித்துறைப் பள்ளியின் செயலர் ஹாஜி எஸ்.எம்.கபீர், துணைத் தலைவர் ஹாஜி எஸ்.ஏ.முஹம்மத் இஸ்மாஈல் (கார்ப்பரேஷன்), சென்ட்ரல் மேனிலைப்பள்ளியின் தலைமையாசிரியர் காஜா முகைதீன் உட்பட ஏராளமானோர் கலந்துகொண்டனர்.

நிகழ்ச்சி ஏற்பாடுகளை, வாவு வஜீஹா வனிதையர் கல்லூரியின் நிறுவனர் தலைவரும், காயல்பட்டினம் நகர்மன்றத தலைவருமான ஹாஜி வாவு செய்யித் அப்துர்ரஹ்மான் தலைமையில், கல்லூரியின் செயலர் ஹாஜி வாவு மொஹுதஸீம், துணைச் செயலாளர் ஹாஜி வாவு எஸ்.ஏ.ஆர்.அஹ்மத் இஸ்ஹாக், நிர்வாக அதிகாரி முனைவர் கம்சா முகைதீன் ஆகியோர் செய்திருந்தனர்.