|
[இச்சம்பவம் குறித்த அசைபடக் காட்சியை இங்கே சொடுக்கி காணலாம்]
காயல்பட்டினம் விசாலாட்சியம்மன் கோயில் தெருவைச் சார்ந்த டாக்டர் கே.ஆர்.செல்வநாதன் என்பவரின் மகன் ஆர்.எஸ்.கோபால். இவர், நகர திமுக இளைஞரணி செயலாளராகவும், ரஜினிகாந்த் நற்பணி மன்ற நகரச் செயலாளராகவும், ‘தென்றல்‘ அமைப்பு சாரா கட்டுமான தொழிலாளர் நல அமைப்பின் மாவட்டத் தலைவராகவும், இன்னும் பல அமைப்புகளிலும் பொறுப்புகள் வகித்து வருகிறார்.
கடந்த 13.12.2011 அன்று காயல்பட்டினத்தில் நடைபெற்ற திமுக பொதுக்கூட்டத்திற்கு அறிவிப்புச் செய்து வெளியிடப்பட்ட பிரசுரத்தில் அவரது பெயர் இருட்டடிப்பு செய்யப்பட்டிருக்கிறது என்றும், நகர திமுக தன்னை அவமானப்படுத்திவிட்டது என்றும், தனக்கே இந்த அவமதிப்பு என்றால், அடிமட்ட தொண்டனின் நிலை எப்படியிருக்கும் என்று எண்ணி, தான் தீக்குளித்து உயிர்த்தியாகம் செய்ய முடிவெடுத்துள்ளதாகவும், தனது உயிர்த்தியாகம் கழகத்தின் ஒவ்வொரு தொண்டனுக்கும் மதிப்பளிக்கும் வகையில் இருக்க வேண்டும் என்பதே தனது இலட்சியம் என்றும் அவர், அக்கூட்டம் நடைபெறுவதற்கு முன், அரசு அதிகாரிகள், மக்கள் பிரதிநிதிகள் என பலருக்கும் தகவல் தெரிவித்துள்ளதாகத் தெரிகிறது.
இந்நிலையில், 13.12.2011 அன்று திமுக பொதுக்கூட்டம் நடைபெறுவதற்கு முன் இரவு 07.00 மணியளவில், ஆறுமுகநேரி காவல்துறையினர் அவரைக் கைது செய்தனர். குற்ற விசாரணை முறை சட்டத்தின் (The Code of Criminal Procedure, 1973) 151 வது பிரிவின் கீழ் வழக்குப் பதிவு செய்து விசாரிக்கப்பட்ட அவர் பின்ன்ர் விடுவிக்கப்பட்டார்.
[இச்சம்பவம் குறித்த அசைபடக் காட்சியை இங்கே சொடுக்கி காணலாம்]
|
India
Sri Lanka
United Arab Emirates
Saudi Arabia
Hong Kong
China
Bahrain
United States
Qatar
