|
ஜித்தா, சஊதி அரபிய்யா - கடந்த 09.12.2011 வெள்ளிக்கிழமை ஜித்தா காயல் நற்பணி மன்றத்தின் 26வது பொதுக்குழு கூட்டத்தில் நிறைவேற்றபட்ட தீர்மானத்தின்படி மக்காவிற்கு புனித பயணம் மேற்கொள்ளும் காயல் நகரை சார்ந்த நம் சொந்தங்களுக்கு புனித மக்காவில் தன்னார்வ தொண்டு மற்றும் வழிகாட்டும் அமைப்பை ஏற்படுத்த வேண்டும் என்ற எங்களின் எண்ணங்களுக்கு நமது சகோதரர்கள் மத்தியில் உள்ள வரவேற்ப்பை இங்கே நமது இணையதளங்களின் வாசகர்களின் உயரிய கருத்துக்கள் மூலமும், இன்னும் நேரிலும் , பல ஊடகங்கள் வாயிலாகவும் அறிந்து கொண்டு அதற்கான ஆயத்த பணிகளில் எம்மன்றம் ஈடுபட்டு வருகிறது.
இது குறித்த உங்கள் அனைவரில் மேலான கருத்துக்களுக்கும் வரவேற்பிற்கும் எமது மன்றம் நன்றியை தெரிவித்துக்கொள்ளும் அதே வேளையில், இந்த அமைப்பின் திட்டங்கள் செயல்வடிவம் செய்யப்படும் முன் நமது காயல் சொந்தங்களாகிய உங்கள் அனைவர்களிடமிருந்தும் ஜித்தா காயல் நற்பணி மன்றம் நல்லபல ஆக்கப்பூர்வமான ஆலோசனைகளையும் சீரிய அறிவுரைகளையும் வேண்டுகிறது.
எங்கள் மக்கா காயல் தன்னார்வ மற்றும் வழிகாட்டு அமைப்பிடம் இருந்து என்னென்ன சேவைகள் நமதூர் மக்களால் எதிர்பார்க்கபடுகிறது, மக்காவில் நீங்கள் நாடும் அத்தியாவசிய தேவைகள் என்ன? என்ன வழிகாட்டுதல்களில் இம்மன்றம் தங்களை ஈடுபடுத்தி கொள்ள வேண்டும்? என்பன உள்ளிட்ட உங்கள் ஆலோசனைகளையும், இதற்கு முன் ஹஜ்ஜுக்கு வந்து சென்றவர்கள் தாங்கள் பெற்ற அனுபவம் மூலம் நீங்கள் எதிர்பார்க்கும் தேவைகள் மற்றும் நீங்கள் விரும்பும் சேவைகள் என்ன என்பதனை உங்களின் ஆலோசனையாக எங்களுக்கு இந்த வாசகர் கருத்து பகுதி மூலமாகவோ அல்லது kwajeddah@gmail.com என்ற எங்களின் இணையதள முகவரிக்கோ தெரிவிக்கும் படி அன்புடன் வேண்டிக்கொள்கிறோம். இதன் அடிப்படையில் சாத்தியகூறுகளை ஆராய்ந்து மக்கா காயல் தன்னார்வ மற்றும் வழிகாட்டு அமைப்பின் பணிகள் செயல்வடிவப்படுத்தபடும் என்பதை தெரிவித்து கொள்கிறோம்.
நன்மையான காரியங்களின் நாம் அனைவரும் ஒருவருக்கு ஒருவர் உறுதுணையாக இருப்போம் மேலும் நாங்கள் எடுக்கும் இந்த சீரிய முயற்சியிலும், எங்கள் மன்றத்தில் எல்ல நற்செயல்களிலும் அல்லாஹ் வெற்றியை தந்தருள்வானாக என்று பிராத்திக்கும்படி உங்களை வேண்டி விரும்பி கேட்டுகொள்கிறோம்.
தகவல்,
தலைவர் மற்றும் செயலாளர்
ஜித்தா காயல் நற்பணி மன்றம்
ஜித்தா, சவுதி அரேபியா
|
Saudi Arabia
United Arab Emirates
