{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கற்புடையார்பள்ளி வட்டத்தில் (சிங்கித்துறை), இயற்கைப் பேரிடரைச் சந்திக்க வாய்ப்புள்ள மக்களுக்கு மாற்றிடத்தில் குடியிருப்புகள் கட்டிக்கொடுக்கும் VRCC திட்டத்தின் கீழ் 169 தொகுப்பு வீடுகள் கட்ட ஒப்புதலளிக்கப்பட்டு, கட்டுமானப் பணிகளும் துவங்கின.



இந்நிலையில், தொகுப்பு வீடுகள் கட்டப்படும் காயல்பட்டினம் கற்புடையார்பள்ளி வட்டத்தைச் சார்ந்த அப்பகுதி, CRZ எல்லை வரையறைக்குள் வருவதாகவும், எனவே அப்பகுதியில் தொகுப்பு வீடு கட்டும் திட்டத்தைக் கைவிடுமாறும் கோரி, காயல்பட்டினம் நகர்மன்றத் தலைவர் ஹாஜி வாவு செய்யித் அப்துர்ரஹ்மான் சார்பில் தூத்துக்குடி நீதிமன்றத்தில் வழக்கு தொடரப்பட்டிருந்தது.

இவ்வழக்கை விசாரித்த நீதிமன்றம், தொகுப்பு வீடுகள் கட்டப்படும் அவ்விடம் CRZ எல்லை வரையறைக்குள் வருகிறதா என்பதை District Coastal Zone Management Authority (DCZMA) உடன் இணைந்து அளந்து பார்த்து, 2011 மார்ச் 04ஆம் தேதிக்குள் அறிக்கை சமர்ப்பிக்குமாறு தங்கவேல் ராஜேஷ் கமிஷனுக்கு உத்தரவிட்டதோடு, அதுவரை கட்டுமானப் பணிகளுக்கு இடைக்காலத் தடையும் விதித்தது.

அதன் தொடர்ச்சியாக, 16.06.2011 அன்று மதியம் 02.30 மணிக்கு குடியிருப்பு கட்டுமானப் பணிகள் நடைபெறுமிடத்தை கடல் மட்டத்திலிருந்து அளந்தறியும் பொருட்டு கமிஷனர் தங்கவேல் ராஜேஷ், வழக்குறைஞர்கள் சுவாமி அய்யா, அரசு வழக்குறைஞர் சாமுவேல் ராஜேந்திரன் ஆகியோர் கட்டுமானப் பகுதிக்கு வந்து அளந்து பார்த்தனர்.

கடல் மட்டத்திலிருந்து (High Tide Line) 200 மீட்டருக்கும் மேல் இடைவெளி இருக்க வேண்டும் என சட்டம் இருக்க, இந்த அளவீட்டின் படி இக்குடியிருப்புக்கும், கடல் மட்டத்திற்கும் இடையில் 140 மீட்டர் மட்டுமே இடைவெளி இருந்ததாகத் தெரிகிறது.

அதனை தொடர்ந்து - இது குறித்த அறிக்கை - நீதிமன்றத்தில் தாக்கல் செய்யப்பட்டிருக்கவேண்டும். இதுகுறித்த அறிக்கை தாக்கல் செய்யப்பட்டு விட்டதா என்று தூத்துக்குடி மாவட்ட ஆட்சியகத்தை காயல்பட்டணம்.காம் இணையதளம் - தகவல் அறியும் சட்டத்தின் கீழ் - வினவியிருந்தது. இது குறித்து பதில் அளித்த சிறப்பு தாசில்தார் பீ.கருப்பசாமி - இது வரை அறிக்கை எதுவும் தாக்கல் செய்யப்படவில்லை என தெரிவித்துள்ளார்.

இருப்பினும் - இது குறித்து தமிழ்நாடு குடிசை மாற்று வாரியத்திடம் (திருநெல்வேலி கிளை) வினவப்பட்ட கேள்விக்கு பதில் அளித்துள்ள தலைமை பொறியாளர் எட்வின்சம் - இத்திட்டம் குறித்த ஒப்புதல், District Coastal Zone Management Authority (DCZMA) மூலம் பெறப்பட்டு விட்டதாகவும் - தற்போது State Coastal Zone Management Authority (SCZMA) ஒப்புதலுக்காக காத்திருப்பதாகவும் தெரிவித்துள்ளார்.