IP: 117.*.*.* India

மீனவர்களின் துயரவாழ்வு எப்போதுமே கேள்விக்குரியது. "தரை மேல் பிறக்கவைத்தான். எங்களை தண்ணீரில் பிழைக்க வைத்தான். கரைமேல் இருக்கவைத்தான் பெண்களை கண்ணீரில் குளிக்கவைத்தான்" என்று புரட்சித்தலைவர் அன்றே பாடினார்.

இயற்க்கை சீற்றங்கள் மட்டுமில்லாமல் இலங்கை கடற்படையினரின் அட்டகாசங்கள் போன்ற அரசியல் ரீதியான காரணங்களாலும் இன்று மீனவர்களின் வாழ்வு பெரும் சோகத்திற்கு உள்ளாகி இருக்கிறது. இதுவுமல்லாமல் மத்திய அரசு சமீபத்தில் கொண்டுவந்த "கடல் மேலாண்மை சட்டம்" போன்ற மீனவர்களின் உயிர்வாழ்க்கையை ஒடுக்கும் கொடிய சட்டங்கள் அவர்களை மேலும் இன்னலுக்கு உள்ளாக்குகின்றன.

கடலிலும் அவர்களது உயிர் வாழ்க்கைக்கு உத்திரவாதமில்லை. கரையிலும் அவர்களை நிம்மதியாக வாழவிடுவதில்லை.

மிக கடின உழைப்பாளிகளான அவர்களின் உணர்வுகளை புரிந்து கொண்டு மத்திய மாநில அரசுகள் நடவடிக்கை எடுக்கவேண்டும்.

IP: 117.*.*.* India

எனினும், எங்களைக் காப்பாற்றிய இறைவனுக்கே எல்லாப்புகழும் என்று சொல்லும் நமது சகோதர்கள் இவர்கள் வெள்ளிக்கிழமை புனித ஜும்மா தொழுகை நாள் அன்று இறைவனுக்கு சிரம் பணியாமல் தனது தொழிலும் அதன் வருமானமும் தான் முக்கியம் என நினைத்து சென்ற நமது சகோதரர்கள் நடு கடலில் சோதனைகள் வந்த பின் இறைவனை நினைகிறார்கள் -

விபத்துக்கள் ஏற்ப்படுவது அல்லாஹுவின் நாட்டம். அந்த அல்லாஹுவே இவர்களை பாதுகாத்தும் விட்டான். அல்ஹம்துலில்லாஹ்.

இனியாவது இறைவனின் அச்சத்தோடு 5 வேலை தொழுகை மற்றும் புனித ஜும்மா இவைகளை நிறைவு செய்து விட்டு தொழிலை செய்யுங்கள்... அல்லாஹ் உங்களுக்கு நேர் வழி காட்டுவானாக ஆமின்..

IP: 2.*.*.* United Arab Emirates

வல்ல அல்லாஹ்வுக்கே எல்லா புகழும். இனியாவது இந்த சகோதரர்கள் தொழுகையின் அவசியத்தை புரிந்து அமல் செய்ய ம் அவர்களுக்கு வல்ல அல்லாஹ் அருள் புரிவானாக ஆமீன்.

IP: 88.*.*.* Saudi Arabia

இறை வணக்க தொழுகைக்கு முக்கியத்துவம் கொடுங்கள். இனி இன்ஷா அல்லாஹ் இதுபோல் நடைபெறமால் இருக்கணும். மொபைல் கருவியால் பல தொந்தரவு இருந்தாலும், இந்த கைபேசி கையில் இருந்ததால் உதவியா இருந்த்தது. தக்க சமயத்தில் இறைவன் காப்பாற்றினான்.

அல்லாஹுக்கு நன்றி செய்து நற்காரியங்கள் செய்யுங்கள்.

IP: 2.*.*.* United Arab Emirates

வெள்ளிகிழமை காலை அதுவும் புனித ஜும்மா நேரம் மீனவர்கள் விபத்தில் சிக்கி மீண்ட செய்தியை படித்ததும் இது மாற்று மத சகோதரர்களாகதான் இருக்கும் என்று நினைத்தேன். ஆனால் இந்த செய்தியை படிக்க தொடங்கினதும் இது நம்மவர்கள் என்று தெரிந்து வருத்தப்பட்டேன் (ஜும்மா தொழாமல் கடலுக்கு போனது பற்றி).

எது எப்படியோ வல்லோன் அல்லாஹ் உங்கள் அனைவருக்கும் மறுவாழ்வு தந்தான். இனியாவது அவனுக்கு நன்றி செலுத்தும் விதமாக ஐவேளை தொழுகையும், ஜூமா தொழுகையும் இடைவிடாது தொடர்ந்து நிறைவேற்றி வாருங்கள் அல்லாஹ் நம் யாவருக்கும் thawfeek செய்வானாக ஆமீன்.

IP: 49.*.*.* India

இனியாவது ஐந்து வேளை தொழ வேண்டும் என்றும் சில நண்பர்கள் குறிப்பிட்டிருக்கிறார்கள். அவர்கள் வசிக்கும் பகுதியில் ஒரு பள்ளிவாசல் இருக்கிறது. அவர்கள் ஐவேளை தொழவில்லை என்று யார் சொன்னது? நீங்கள் சென்று பார்த்தீர்களா?

இவ்வாறு தேவையில்லாமல் ஒரு முஃமின் மீது கெட்ட எண்ணம் வைப்பதுதான் இஸ்லாமா? சரியாகுமா?

IP: 77.*.*.* Saudi Arabia

இந்த விசயமும் கொஞ்சம் விரிவாக அலசவேண்டிய பிரச்சனைதான்.

குறிப்பாக, ஞாயிறு அன்று கடலுக்கு யாரும் மீன் பிடிக்க செல்ல மாட்டார்கள்.(பத்து௦ நாட்கள், ஒரு மாதம் என்று பெரிய படகுகளில் செல்பவர்கள் தனி). கடலிலும், கடற்கரையிலும் ஒரு ஈ, காக்கா இருக்காது. வியாபாரிகளும் வரமாட்டார்கள். இவர்கள் மட்டும் ஞாயிறு அன்று மீன் பிடிக்க செல்லுவது, அறிவுப்பூர்வமான செயல் அல்ல.

சரி, எல்லோரும் சொல்லுவது போல வெள்ளிக்கிழமை ஜும்மாஹ் தொழுகையை விட்டுவிட்டு ஏன் மீன் பிடிக்க சென்றார்கள் என்று. இந்த கிழமையும் விட்டு விடுவோம். மீன் பிடிக்க செல்ல வேண்டாம்.

அப்புறம், சனிக்கிழமை.. வல்ல ரஹ்மான் கூறுகிறான்

" உங்க(ள் முன்னோர்க)ளிலிருந்து சனிக் கிழமையன்று (மீன் பிடிக்கக் கூடாது என்ற) வரம்பை மீறியவர்களைப்பற்றி நீங்கள் உறுதியாக அறிவீர்கள். அதனால் அவர்களை நோக்கி “சிறுமையடைந்த குரங்குகளாகி விடுங்கள்” என்று கூறினோம் " - ( அல்குர்ஆன் 2:65 ).

வெள்ளி, சனி, ஞாயிறு ஆகிய மூன்று நாட்கள் அவர்கள் கடலுக்கு செல்ல முடியாது.

என்ன சொல்லுவது என்றே புரியவில்லை..

இதற்க்கு ஒரே விடிவு, மார்க்க வல்லுனர்களிடம் கருத்து கேட்டு நடப்பது தான். அதற்க்கு முயற்சி செய்யுங்க சகோதரர்களே.

வல்ல ரஹ்மான் அனைவர்களுக்கும் நல்ல வழியை காட்டுவானாக..

IP: 205.*.*.* United States

நம் மீனவர்கள் படகு விபத்திலிருந்து மீட்பு தொடர்பான செய்தியில் ஒரு சிலர் அன்பர்கள் அல்குர்ஆன் 2:65 அத்தியாயத்தை கருத்தாக பதிந்திருந்தார்கள் இருந்தார்கள். அதை படித்தவுடன் இவர்கள், முஸ்லிம்களுக்கும் அல்லாஹ் சனிக்கிழமை மீன் பிடிப்பதை தடையாக்கிருக்கிறான் என்று சொல்ல வருகிறார்களா அல்லது முஸ்லிம் மீனவர்கள் வெள்ளி கிழமை ஜும்மா தொழுகையை விட்டுவிட்டு மீன் பிடிக்க சென்றால் யூதர்களை அல்லாஹ் தண்டித்ததை (2 :65) மேற்க்கோள் காட்டி இருக்கிறார்களா என எனக்குள் ஒரே குழப்பம். ஒரு வேளை இந்த அத்தியாயம் மூலம் முஸ்லிம்களுக்கும் சனிக்கிழமை மீன் பிடிக்க தடை எதாவது இருக்கிறதா என்று தேடி பார்த்தேன்.

நான் அறிந்த வரையில், யூதர்கள் இப்ராகிம் நபியின் வழிக்கு மாற்றமாக அல்லாஹ்வுக்கு இணை வைத்ததட்க்கு தண்டனையாக இறைவன் அவர்களுக்கு சனிக்கிழமை (rest day ) மீன் பிடிப்பதை தடை விதித்திருந்தான். ஆனால் அவர்கள் அக்கட்டளையை மீறினார்கள். வரம்பு மீறியவர்களை நோக்கி “சிறுமையடைந்த குரங்குகளாகி விடுங்கள்” என்று அல்குர்ஆன் 2:65 கூறுகிறது.

மேலும் சனிக்கிழமை மீன் பிடிக்க தடை விதித்திருந்தது யூதர்களுக்குத்தான். முஸ்லிம் களுக்கும் (உம்மி நபியின் உம்மத்துகளுக்கும்) சனிக்கிழமை மீன் பிடிப்பது தடை என்று நான் தேடிய வரையில் எங்கும் காணவில்லை.

மீனவர்கள் மற்றும் மீன்பிடித்தல் சம்பந்தமான செய்தியாக இருப்பதால் (2 :65) வசனம் பயன்படுத்த பட்டுள்ளது என்று நினைக்கிறேன். ஜும்மா உடைய தொழுகை விட்டால் (யாராக இருந்தாலும்) ஏற்படும் தீமைக்கு, அல்குர்ஆன்(2 :65) மேற்கோள் விட்டதற்கும் சம்பந்தம் இருப்பதாக எனக்கு தோணவில்லை.

ஜும்மா உடைய நாளில் தொழுகைக்கான நேரத்தில் பள்ளிக்கு விரைந்து செல்வது நம் எல்லோருக்கும் (மீனவர்கள் உட்பட) இறைவன் பின்வரும் வசனம் மூலம் கூறுகிறான்.

ஈமான் கொண்டவர்களே! ஜும்மா உடைய நாளில் தொழுகைக்காக நீங்கள் அழைக்கப்பட்டால், வியாபாரத்தை விட்டுவிட்டு, அல்லாஹ்வைத் தியானிக்க (பள்ளிக்கு) விரைந்து செல்லுங்கள் - நீங்கள் அறிபவர்களாக இருப்பின் இதுவே உங்களுக்கு மிக மேலான நன்மையுடையதாகும் (62 :9)

பின்னர், (ஜும்மா ) தொழுகை நிறைவேற்றப்பட்டு விட்டதும், (பள்ளியிலிருந்து வெளிப்பட்டு) பூமியில் பரவிச் சென்று அல்லாஹ்வுடைய அருளைத் தேடிக் கொள்ளுங்கள், அன்றியும், நீங்கள் வெற்றியடையும் பொருட்டு, அல்லாஹ்வை அதிகமதிகம் தியானம் செய்யுங்கள் (62 :10)

மற்ற படி "வெள்ளி, சனி, ஞாயிறு ஆகிய மூன்று நாட்கள் அவர்கள் கடலுக்கு செல்ல முடியாது" அல்லது முஸ்லிம் களுக்கும் சனிக்கிழமை மீன் பிடிப்பது தடை என்றெல்லாம் இருப்பதாக எனக்கு தெரிய வில்லை. ஒரு வேளை விபரம் அறிந்த அன்பர்கள் நம் எல்லோருக்கும் தெரியபடுத்தலாம்.