{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஜாவியத்துல் ஃபாஸிய்யத்துஷ் ஷாதுலிய்யா நிறுவனத்தின் மேலாளர் – ஆறாம்பள்ளித் தெருவைச் சார்ந்த ஹாஜி என்.கே.மிஸ்கீன் ஸாஹிப், 14.02.2012 அன்று (நேற்று) அதிகாலை 04.00 மணியளவில் காலமானார். அன்னாரின் ஜனாஸா, நேற்று மாலை 05.00 மணியளவில் காயல்பட்டினம் மகுதூம் பள்ளி மையவாடியில் நல்லடக்கம் செய்யப்பட்டது.

பொது நல ஆர்வலரும், காயல்பட்டினம் மழ்ஹருல் ஆபிதீன் சன்மார்க்க ஸபையின் செயலாளரும், காயல்பட்டினம் நகர்மன்றத் தலைவரின் தந்தையுமான பாளையம் முஹம்மத் இப்ராஹீம், 14.02.2012 அன்று (நேற்று) மாலை 05.00 மணியளவில் காலமானார். அன்னாரின் ஜனாஸா, இன்று காலை 10.30 மணியளவில் காயல்பட்டினம் மஸ்ஜித் அல்ஜதீத் - புதுப்பள்ளிவாசல் மையவாடியில் நல்லடக்கம் செய்யப்பட்டது.

இவர்களின் மறைவுக்கு இரங்கல் தெரிவித்து, தாய்லாந்து காயல் நல மன்றம் (தக்வா) சார்பில் வெளியிடப்பட்டுள்ள அறிக்கை பின்வருமாறு:-

ஜாவியா மேலாளரும், எமது தக்வா அமைப்பின் செயலாளர் ஹாஜி எம்.எஸ்.செய்யித் முஹம்மத் அவர்களின் தந்தையுமான ஹாஜி என்.கே.மிஸ்கீன் ஸாஹிப் அவர்களின் மறைவுக்கும், மழ்ஹருல் ஆபிதீன் சன்மார்க்க ஸபையின் செயலாளரும், நகர்மன்றத் தலைவரின் தந்தையுமான பாளையம் இப்ராஹீம் அவர்களின் மறைவுக்கும் தக்வாவின் உறுப்பினைகள் அனைவரும் தங்களின் ஆழ்ந்த இரங்கலை தெரிவித்துக் கொள்கிறார்கள். இன்னாலில்லாஹி வஇன்னா இலைய்ஹி ராஜிஊன்.

மர்ஹூம்களுக்கு வல்ல அல்லா "ஜன்னத்துல் பிர்தௌஸ்" என்னும் மேலான சுவனபதியை கொடுத்தருள்வானாக... ஆமீன்.

மர்ஹூம்களின் பிரிவால் வாடும் அன்னாரின் குடும்பத்தாருக்கு என் ஆழ்ந்த இரங்கலை சமர்பிக்கிறோம். வல்ல அல்லாஹ் "சபூர்" என்னும் பொறுமையை கொடுத்தருள்வானாக. ஆமீன்.

இவ்வாறு அந்த தாய்லாந்து காயல் நல மன்றம் (தக்வா) சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
M.H.முஹம்மத் ஸாலிஹ்,
பொருளாளர்,
தாய்லாந்து காயல் நல மன்றம் - தக்வா,
பாங்காக், தாய்லாந்து.