Kayal on the Web

செய்திகள்

செய்தி எண் (ID #) 8027

#KOTW8027

வெள்ளி, பிப்ரவரி 17, 2012

சங்கரன்கோவில் தொகுதி இடைத்தேர்தல் மார்ச் 18 அன்று நடைபெறும்!

செய்தி: காயல்பட்டணம்.காம்
இந்த பக்கம் 2726 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

திருநெல்வேலி மாவட்டம் சங்கரன்கோவில் (தனி) சட்டப்பேரவை தொகுதி இடைத் தேர்தல் மார்ச் 18-ம் தேதி நடைபெறுகிறது. இதற்கான அறிவிப்பை தேர்தல் ஆணையம் நேற்று (பிப்ரவரி 16) வெளியிட்டது. தேர்தல் நன்னடத்தை விதிகள், தேதி அறிவிக்கப்பட்டதிலிருந்தே அமலுக்கு வருவதாகத் தேர்தல் ஆணையம் அறிவித்துள்ளது.

தமிழக அமைச்சரும், சங்கரன்கோவில் தொகுதி எம்.எல்.ஏ.வுமான C.கருப்பசாமி கடந்த ஆண்டு அக்டோபர் 22-ம் தேதி காலமானார். இதைத் தொடர்ந்து, அந்த இடம் காலியானது. ஆறு மாதங்களுக்குள் அங்கு இடைத் தேர்தலை நடத்த வேண்டும். இந்த நிலையில், இடைத்தேர்தலுக்கான தேதியை தேர்தல் ஆணையம் அறிவித்துள்ளது.

தேர்தல் அட்டவணை
வேட்புமனு தாக்கல் தொடக்கம் பிப்ரவரி 22
வேட்புமனு தாக்கலுக்கு கடைசி நாள் பிப்ரவரி 29
வேட்புமனு பரிசீலனை மார்ச் 1
வேட்புமனு திரும்பப்பெற கடைசி நாள் மார்ச் 3
தேர்தல் தேதி மார்ச் 18
வாக்கு எண்ணிக்கை மார்ச் 21

வாக்குப்பதிவு காலை 8 மணி முதல் மாலை 5 மணி வரை நடைபெறும். இடைத்தேர்தலில் மின்னணு வாக்குப்பதிவு இயந்திரம் பயன்படுத்தப்பட உள்ளது. தேர்தல் நடத்துவதற்குத் தேவையான மின்னணு வாக்குப்பதிவு இயந்திரங்கள் தயார் நிலையில் இருப்பதாகத் தேர்தல் ஆணையம் தெரிவித்துள்ளது.

தேர்தல் தேதி அறிவிக்கப்படுவதற்கு முன்பே, ஆளும்கட்சியான அதிமுக தேர்தல் பணிகளில் ஈடுபட்டு வருகிறது. முன்னாள் எம்.எல்.ஏ. சங்கரலிங்கத்தின் மகளும், பொறியியல் பட்டதாரியுமான முத்துச்செல்வி களம் இறக்கப்பட்டுள்ளார். இவர் இப்போது நகராட்சித் தலைவராக உள்ளார். அவருக்கு ஆதரவாகப் பிரசாரம் செய்ய 26 அமைச்சர்களைக் கொண்டு தேர்தல் பணிக்குழு அமைக்கப்பட்டுள்ளது. திமுக, தேமுதிக உள்ளிட்ட எதிர்க் கட்சிகளும் தேர்தல் களம் காணுவதற்கான பூர்வாங்கப் பணிகளைத் தொடங்கி விட்டன.

திமுக சார்பில் போட்டியிட விருப்ப மனு அளித்தவர்களுடன் அந்தக் கட்சியின் தலைவர் கருணாநிதி, இன்று (பிப்ரவரி 17) நேர்காணல் நடத்துகிறார். இந்தத் தேர்தலில் போட்டியிட மதிமுக முடிவெடுத்துள்ளது. மற்றொரு பிரதான எதிர்க்கட்சியான தேமுதிக, வரும் 21-ம் தேதி நடைபெறவுள்ள கட்சியின் பொதுக்குழுவில் தேர்தல் குறித்த முக்கிய முடிவினை அறிவிக்கும் என எதிர்பார்க்கப்படுகிறது.

தகவல்:
தினமணி

{TAGS} tamil nadu assembly byelection election sankarankoil sankarankovil karuppasamy muthuselvi municipality chairman

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:சங்கரன்கோவில் தொகுதி இடைத...
posted by M.S.ABDULAZEEZ (G Z) [17 February 2012]
IP: 113.*.*.*

China | Comment Reference Number: 17008

இந்த செய்திக்கும் காயல்படனதிற்கும் என்ன சம்மந்தம் ???

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:சங்கரன்கோவில் தொகுதி இடைத...
posted by mackie noohuthambi (colombo) [17 February 2012]
IP: 112.*.*.*

Sri Lanka | Comment Reference Number: 17014

இந்த தேர்தலில் அண்ணா திமுக திமுக தேமுதிக மதிமுக, காங்கிரஸ் எல்லோரும் தனியாக நின்று அவரவர்களின் வலிமையை தெரிந்து கொள்வது நல்லது. அடுத்த ஆளின் தோள் மீது ஏறி சவாரி செய்யும் பழக்கத்துக்கு முற்றுப்புள்ளி வையுங்கள்.

கூட்டணி என்பதெல்லாம் அண்ணாவுடன் முடிந்து விட்டது. கொள்கையில்லாமல், சொரணை இல்லாமல் வோட்டுக்காக கூட்டு சேருவதும் அதன்பிறகு மானம் மரியாதை இழந்து வேதனைப்படுவதும் தமிழக அரசியல் கட்சிகளுக்கு வாடிக்கையாக போய்விட்டது. மக்களும் மடையர்களாக இருந்து இவர்கள் பேச்சை கேட்டுக்கொண்டு ஆட்டம்போட்டு அலுத்து விட்டார்கள்.

வைகோ அவர்கள் எப்படியாவது சட்டமன்ற உறுப்பினராக வந்து அவரது குரல் சட்டமன்றத்தில் ஓங்கி ஒலிக்க வேண்டும் என்று ஆசையாக உள்ளது. பாராளுமன்றத்தில் கேட்ட குரல் அப்படியே ஒடுங்கிவிட்டது. வெறும் உணர்சிகளை கொட்டி பேசுவதும், தமிழ் இனத்தை தூண்டி விட்டு வேடிக்கை பார்ப்பதும் எத்தனை நாளைக்கு நடக்கும். கலைஞர் அவர்களின் போர்வாளாக இருந்தவர். இப்போது மாறி வரும் அரசியல் சூழலில் அவர் திராவிட முன்னேற்ற கழகத்தில் சேர்ந்தால் நல்ல எதிர்காலம் இருக்கும். கலைஞரும் மறப்போம் மன்னிப்போம் என்று கூறி அவரை அணைத்துக்கொண்டால் நல்லது.

பகை கொண்ட உள்ளம் துயரத்தின் இல்லம், தீராத கோபம் யாருக்கு லாபம். SELECTIVE AMNESIA உள்ள அத்வானி அவர்களும் அப்படி அவருக்கு இருப்பதாக வெளிப்படையாக அறிவித்த புரட்சி தலைவி அவர்களும் கூட்டு சேர்ந்து 2014 தேர்தலை சந்திக்க வியூகம் வகுக்கும்போது, ஒரே தலைவனின் தம்பிமார்கள் ஒன்று சேர்வதில் தவறில்லை. மக்களும் மன்னிக்க தயாராக இருக்கிறார்கள்.செய்வார்களா?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:சங்கரன்கோவில் தொகுதி இடைத...
posted by K S Muhamed shuaub (Kayalpatinam) [17 February 2012]
IP: 116.*.*.*

India | Comment Reference Number: 17020

மக்களை ஏமாற்றும் இந்த "கூட்டணி"என்ற ஏற்பாட்டை 1967ல் அறிமுகபடுத்திய பெருமை அண்ணாவுக்கும் ராஜாஜிக்கும்தான் உண்டு. அதற்கு முன்பு தமிழக அரசியலில் கூட்டணி என்பதெல்லாம் கிடையாது. 67 ல் காங்கிரசை எதிர்த்து வெல்ல முடியுமா... என்ற சந்தேகம் அண்ணாவுக்கே உண்டு. ஏனெனில் அன்றைய தமிழக அரசியலில் காங்கிரெஸ் மிக பெரும் சக்தி.

அதுவரை அரசியலில் எலியும் பூனையுமாக இருந்த அண்ணாவும் ராஜாஜியும் பதவிக்காக ஓன்று சேர்ந்தனர். "பூணூலை கையில் பிடித்துக்கொண்டு தி.மு. க வுக்கு பிராமணர்கள் ஓட்டளிக்க வேண்டும்" என்று சொன்னார் ராஜாஜி. அதுவரை ராஜாஜியை "குல்லுகபட்டர்" "குள்ளநரி" என்றெல்லாம் விமர்சித்த தி.மு கவினர் அதன்பிறகு அவரை "மூதரின்ஜெர் "என்றனர்.

தேர்தல் வெற்றிக்கு பிறகு சில நாட்களிலேயே தி.மு.கவின் உறவு ராஜாஜிக்கு கசந்தது "தேனிலவு முடிந்தது "என்றார் ராஜாஜி. அதன் பிறகு 71 ல் மறுபடியும் காங்கிரசோடு கூட்டணி வைத்தார் காங்கிரஸ் கூட்டணி தேர்தலில் தோற்றது. இப்படியாகத்தான் இந்த கூட்டணி அசிங்கம் தமிநாட்டில் நிலை பெற்றது. இப்போதெல்லாம் கூட்டணி எனபது போய் "தொகுதி உடன்பாடு" என்று இந்த அசிங்கத்திற்கு புது பெயர் சூட்டப்பட்டுள்ளது. இதற்க்கு ஒரு நல்ல உதாரணம். சொல்லலாம்... ஆனால் அட்மின் கத்தரி போட்டு விடுவார்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:சங்கரன்கோவில் தொகுதி இடைத...
posted by P.S.ABDUL KADER (JEDDAH,KSA) [18 February 2012]
IP: 176.*.*.*