{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்டத்திலுள்ள மாற்றுத்திறனாளிகள் அனைவருக்கும் தேசிய அடையாள அட்டை வழங்க திட்டமிடப்பட்டுள்ளது. இதன்படி மாவட்டத்திலுள்ள 12 வட்டார வளர்ச்சி அலுவலகங்களிலும் முகாம்கள் நடத்தப்படவுள்ளன. திருச்செந்தூரில் இம்மாதம் 17ஆம் தேதியன்று (நாளை) முகாம் நடைபெறுகிறது.

இம்முகாமில் கண் மருத்துவர், எலும்பு முறிவு மருத்துவர், மனநல மருத்துவர், காது மூக்கு தொண்டை மருத்துவர் உள்ளிட்ட மருத்துவர்கள் பங்கேற்று மாற்றுத்திறனாளிகக்கான தேசிய அடையாள அட்டை வழங்கும் பணியை மேற்கொள்ளவுள்ளனர்.

இம்முகாமில், அனைத்துத்துறை அரசு அலுவலர்களும் பங்கேற்று, துறை சார்ந்த திட்டங்களில் விண்ணப்பங்கள் அளித்து, மாற்றுத் திறனாளிகளில் துறை சார்ந்த பயனாளிகளை தேர்வு செய்து, நலத்திட்ட உதவிகளை வழங்க ஏற்பாடு செய்யவுள்ளனர்.

மேலும், தேசிய அடையாள அட்டை வழங்குவது மட்டுமின்றி உதவி உபகரணங்கள், பராமரிப்பு உதவித்தொகை, இலவச பயணச் சலுகை, நலவாரிய பதிவு, வங்கி கடன் மானியம், திருமண உதவித்தொகை உள்ளிட்டவற்றுக்கான பதிவுகள் மாற்றுத்திறானளிகள் நலத்துறை மூலம் மேற்கொள்ளப்படும்.

காயல்பட்டினத்தைச் சார்ந்த - தகுதியுள்ள மாற்றுத் திறனாளிகள், பாஸ்போர்ட் அளவு படம் 4, குடும்ப அட்டையின் அசல் / நகல் ஆகியவற்றுடன், நாளை காலை 10.00 மணி முதல் மாலை 05.00 மணி வரை நடைபெறும் இம்முகாமில் அவசியம் பங்கேற்று பயனடையுமாறு, தமிழ்நாடு முஸ்லிம் முன்னேற்றக் கழகத்தின் காயல்பட்டினம் நகர கிளை கேட்டுக்கொண்டுள்ளது.

தகவல்:
தமீமுல் அன்ஸாரீ,
துணைத்தலைவர்,
நகர தமுமுக.