Kayal on the Web

செய்திகள்

செய்தி எண் (ID #) 8726

#KOTW8726

திங்கள், ஜுலை 16, 2012

சுற்றுச்சூழல் பாதுகாப்பில், நகராட்சி துப்புரவுப் பணியாளர்களின் கடமையுணர்ச்சி! (?!)

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2779 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சிக்குட்பட்ட வீதிகளில், குப்பை சேகரிக்கும் வாகனம் வரும் வரை பொறுமையில்லாமல் தம் வீட்டுக் குப்பைகளை பள்ளிக்கூடங்கள் மற்றும் வழிபாட்டுத் தலங்களின் கோட்டைச் சுவர்களுக்கருகில் கொட்டும் பொதுமக்கள் ஒருபுறமிருக்க, அவற்றை அள்ளிச்செல்ல வேண்டிய துப்புரவுப் பணியாளர்கள், ஒதுக்குப் புறங்களிலுள்ள குப்பைகளை அங்கேயே தீயிட்டுக் கொளுத்துவது வழமையாகிப் போனது.

இதுகுறித்து ஏற்கனவே காயல்பட்டணம்.காம் பல முறை செய்தி வெளியிட்டுள்ளதோடு மட்டுமின்றி, நகராட்சியின் சுகாதாரத்துறை அதிகாரிகளிடமும் இதுகுறித்து தகவல் தெரிவித்துள்ளது.

இந்நிலையில், 14.07.2012 (நேற்று முன்தினம்) காயல்பட்டினம் பரிமார் தெருவின் தென்முனையில் கொட்டப்பட்டிருந்த குப்பைகளை நகராட்சி துப்புரவுப் பணியாளர் ஒருவர் அந்த இடத்திலேயே தீயிட்டுக் கொளுத்தினார்.

எரிக்கப்பட்ட அந்த குப்பையில் ஏராளமான ப்ளாஸ்டிக் பைகள் உட்பட சுற்றுச்சூழலைப் பாதிக்கும் ஏராளமான கழிவுப் பொருட்கள் உள்ளடக்கம்.

கொளுந்துவிட்டு எரியத் துவங்கிய நெருப்பை, சிறிது நேரம் அருகிலிருந்த வீட்டைச் சேர்ந்த பெண்ணொருவர் தண்ணீர் ஊற்றி அணைத்தார்.

எவ்வளவோ கட்டுப்படுத்தியும் சில பொதுமக்கள் அவ்விடத்தில் குப்பை கொட்டுவதை நிறுத்துவதேயில்லை என்றும், பலமுறை தெரிவித்தும் - நகராட்சி துப்புரவுப் பணியாளர்கள் இங்குள்ள குப்பைகளை எரித்துவிட்டுச் செல்வதே வழக்கமாக உள்ளதாகவும் அப்பகுதி பொதுமக்கள் தெரிவித்தமை குறிப்பிடத்தக்கது.

தகவல் & படம்:
Y.M.முஹம்மத் தம்பி,
ஏ.கே.எம்.ஜுவல்லர்ஸ், எல்.கே.லெப்பைத்தம்பி சாலை, காயல்பட்டினம்.

{TAGS} garbage fire municipality pollution ymmt parimar street

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:சுற்றுச்சூழல் பாதுகாப்பில...
posted by salai s nawas (singapore) [16 July 2012]
IP: 116.*.*.*

Singapore | Comment Reference Number: 20006

இவர் குப்பையை எரித்தது தவறா? அல்லது தெருவாசிகள் அங்கே குப்பையை போட்டது தவறா? இல்லை. எதையுமே கண்டுகொள்ளாமல் போகும் தெரு மக்களின் தவறுதான்.

வினை விதைத்தவன் வினை அறுப்பான் என்ற பழமொழி மாதிரி நாம் போட்ட கழிவுகளையே நாம் சுவாசிக்க வேண்டி இருக்கு.

எங்கே வார்டு நகராட்சி உறுப்பினர்? அவர் அடிக்கடி வெளிநடப்பு செய்கிறாராம். அய்யயோ தப்பு பண்ணிட்டோமே!!!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:சுற்றுச்சூழல் பாதுகாப்பில...
posted by Vilack SMA (saigon , vietnam .) [16 July 2012]
IP: 113.*.*.*

Vietnam | Comment Reference Number: 20007

இதில் தவறு பொதுமக்களிடம்தான் உள்ளது . ஒவ்வொரு ஏரியாவிற்கும் குப்பை அள்ளும் வாகனம் வரும் நேரம் நகராட்சியால் அறிவிக்கப்பட்டுள்ளது . அந்த நேரத்தில் , நகராட்சி பணியாளரிடம் குப்பை வாளியை கொடுக்காமல் ( வேலைக்காரி அந்த நேரத்தில் இருக்க மாட்டாளாம் , இவர்களாக குப்பை வாளியை தூக்குவது இவர்கள் அந்தஸ்து குறைந்து விடுமாம் ) வண்டி போனபிறகு , வேலைக்காரி வந்ததும் , கண்டகண்ட இடங்களில் , அடுத்தவர் வீட்டு படிக்கட்டுகளில் விசிறி அடித்து செல்வது . இதுதான் காலம் காலமாக நடப்பது . இதில் நகரமன்ற தலைவி , உறுப்பினர்கள் , பணியாளர்கள் இவர்களை குறை சொல்வதில் அர்த்தமே இல்லை .

எனது வீட்டு எதிர்புறம் ஒருவர் புதிதாக வீடு கட்டி குடியேறினார் . மக்கள் வழமைபோல் அவர் வீட்டுமுன் குப்பையை கொட்டினார் . நல்லவிதமாக சொல்லி பார்த்தார் . ஜனங்கள் திருந்துவதாக தெரியவில்லை . ஒருநாள் தெருவில் நின்று குப்பை கொட்டும் நபர்களை மிகவும் அசிங்கமாக திட்டி விட்டார் . அதில் இருந்து அவர் வீட்டுமுன் குப்பையை காணோம் . ஒருவேளை தெருவில் வீடு வைத்திருக்கும் அனைவரும் இந்த வழியை கையாண்டால்தான் தெரு சுத்தமாகும்போல தெரியுது .

ஒருமுறை தலைவி தங்கை ஆபிதாவுடன் போனில் பேசும்போது இந்த பிரச்சினை பற்றி பேசினோம் . குப்பையை எரிப்பதை அவரும் விரும்பவில்லை. இப்படி ஜனங்கள் தெருவில் அடுத்தவர் வீட்டுமுன் குப்பையை வீசுகிறார்களே என்று வருத்தப்பட்டார். மாற்று வழியாக, மூடியுடன் உள்ள குப்பை தொட்டி வாங்கும் எண்ணம் உள்ளது என்றும் தெரிவித்தார். இது நல்ல திட்டம்தான், ஆனால் ஜனங்கள் இதற்கு எந்த அளவுக்கு ஒத்துழைப்பார்கள்?

Vilack SMA , Saigon

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. மனிதர்களே....இது முறை தானா?
posted by M.N.L.முஹம்மது ரபீக். (புனித மக்கா.) [17 July 2012]
IP: 188.*.*.*

Saudi Arabia | Comment Reference Number: 20017

இதுலெ நீயா? நானா? என ரியாலிட்டி ஷோ நடத்துவதற்கோ? அநியாயம் தன் வீட்டு முன்னாலே நடக்குதேன்னு அசிங்க, அசிங்கமா திட்டித் தீர்ப்பதற்கோ? தேவையில்லை!

நம் உயிரினும் மேலான மாநபிகள் பெருமான், மனித குலத்தை உயர்த்த வந்த கோமான், அண்ணல் எம் பெருமான், அகில உலகத்தார்க்கும் அருட்கொடையாக, அழகிய முன் மாதிரியாக உதித்து சுடர் வீசி ஒளியேற்றிய முஹம்மது முஸ்தஃபா ஸல்லலாஹு அலைஹிவ ஸல்லம் அவர்கள் நவின்ற நன் மொழிகளைக் கடைபிடித்தாலே கரை கடந்து விடும் இந்த ஈனச் செயல்கள் யாவும்!

அண்டை வீட்டாருக்குள்ள உரிமைகள், வழிப்பாதையின் ஒழுக்கங்கள், இப்படி மனித வாழ்வின் மேம்பாட்டிற்கான அனைத்தயும் தானும் கடைபிடித்து தம் உம்மத்தர்க்கும் கற்றுத் தந்தார்களே? மனிதர்களே....இது முறை தானா?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்