{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியில் நடைபெற்ற மாணவியர் பேரவை தேர்தலில், புதிய நிர்வாகிகள் தேர்ந்தெடுக்கப்பட்டுள்ளனர். விபரம் பின்வருமாறு:-

மாணவியர் தமக்குள் தலைமைப் பண்பை வளர்த்துக்கொள்ளல், பேரவையின் செயல்திட்டங்களில் ஆர்வம் - உண்மையுடன் செயலாற்றல், பேரவை - மாணவியர் வளர்ச்சிக்கு முழு ஈடுபாட்டுடன் முயற்சித்தல் ஆகிய நோக்கங்களை அடிப்படையாகக் கொண்டு காயல்பட்டினம் வாவு வஜீஹா வனிதையர் கல்லூரியில் மாணவியர் பேரவை தேர்தல், 27.07.2012 அன்று நடைபெற்றது.

கல்லூரியின் அனைத்துத் துறை சார்ந்த மாணவியர் பலர் போட்டியிட்ட இத்தேர்தலில், கல்லூரி மாணவியர் அனைவரும் வாக்களித்தனர். வாக்கு எண்ணிக்கையின் நிறைவில், கல்லூரியின் மூன்றாமாண்டு கணிப்பொறியியல் மாணவி எஸ்.ஹவ்வா நஜாஹா நவ்ஸீன் - மாணவியர் பேரவை தலைவராகவும், பொருளியல் துறை இரண்டாமாண்டு மாணவி எம்.முருகேஷ்வரி துணைத்தலைவராகவும், ஆங்கியலத் துறை இரண்டாமாண்டு மாணவி டி.கீர்த்திகா செயலாளராகவும், அத்துறையின் முதலாமாண்டு மாணவி என்.ஃபஜீலா துணைச் செயலாளராகவும் தேர்ந்தெடுக்கப்பட்டனர். இவர்கள், பேரவை மன்றத் துவக்க நாள் முதல் இரண்டாண்டுகளுக்கு இப்பொறுப்பில் செயல்படுவர்.

வெற்றி பெற்ற மாணவியர் பேரவை நிர்வாகிகளை கல்லூரியின் பேராசிரியையர், அலுவலர்கள், மாணவியர் அனைவரும் வாழ்த்தினர். தேர்தல் ஏற்பாடுகளை, கல்லூரியின் தகவல் தொழில்நுட்பத் துறை தலைவியும், மாணவியர் பேரவையின் ஒருங்கிணைப்பாளருமான ஜெ.ஷர்மின் மேரி ஜானகி செய்திருந்தார்.