Kayal on the Web

செய்திகள்

செய்தி எண் (ID #) 8143

#KOTW8143

செவ்வாய், மார்ச் 13, 2012

ஐஓபி வங்கியின் ஏடிஎம் இயந்திரமொன்றை சதுக்கைத் தெருவில் நிறுவ முயற்சி மேற்கொள்ளப்படும்! அல்அமீன் இளைஞர் நற்பணி மன்ற பொதுக்குழு முடிவு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3333 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

இந்தியன் ஓவர்சீஸ் வங்கியின் ஏ.டி.எம். இயந்திரமொன்றை - பொதுமக்கள் வசதிக்காக காயல்பட்டினம் சதுக்கைத் தெருவில் நிறுவ முயற்சிகள் மேற்கொள்ளப்படுமென காயல்பட்டினம் அல்அமீன் இளைஞர் நற்பணி மன்ற பொதுக்குழு தீர்மானித்துள்ளது.

கூட்ட நிகழ்வுகள் குறித்து அவ்வமைப்பின் சார்பில் வெளியிடப்பட்டுள்ள அறிக்கை பின்வருமாறு:-

அன்புடையீர், அஸ்ஸலாமு அலைக்கும்.

அல்-அமீன் இளைஞர் நற்பணி மன்றத்தின் பொதுக்குழுக் கூட்டம் 11.03.2012 அன்று காலை 10.30 மணியளவில் ஜனாப் எம்.என்.செய்யது முகியத்தீன் தலைமையில் நடைபெற்றது. சங்க செயலாளர் ரஜ்வி கிராஅத் ஓதி கூட்டத்தைத் துவக்கி வைத்தார்.

உறுப்பினர்களின் நீண்ட நேர கலந்தாலோசனைக்குப் பின், கீழ்க்காணும் தீர்மானங்கள் ஒருமனதாக நிறைவேற்றப்பட்டன:-

1. சங்கத்தின் முப்பெரும் விழாவை மிக விரைவில் நடத்துவது...

2. முப்பெரும் விழாவின் ஒரு பகுதியாக மருத்துவ முகாம் ஒன்றை நடத்துவது...

3. சங்கத்திற்கு புதிய உறுப்பினர்களை சேர்ப்பது...

4. இந்த ஆண்டிக்கான உறுப்பினர் சந்தா வசூலை விரைவு படுத்துவது...

5. ஐ.ஓ.பி. வங்கியின் ஏ.டி.எம். இயந்திரம் ஒன்றை மத்திய காயலில் (சதுக்கை தெருவில்) கொண்டு வர அனைத்து முயற்சிகளையும் எடுப்பது...

6. ECR எனப்படும் கிழக்கு கடற்கரை சாலையை காயல்பட்டினம் வழியாக கொண்டு வர அனைத்து ஜமாத் - பொதுநல அமைப்புகள் மற்றும் அனைத்து சமுதாய அமைப்புகளின் கூட்டத்தைக் கூட்டி, கருத்தொற்றுமையை ஏற்படுத்தி, அதனடிப்படையில் நடவடிக்கை எடுப்பது...

7. பொதுமக்கள் நலன் கருதி பஸ், இரயில் கால அட்டவணையை வெளியிட முயற்சி எடுப்பது...

8. சுற்றுச்சூழலை மாசுப்படுத்தும் எந்த ஒரு ஆலையும் நமது நகராட்சி எல்லைக்குள் இயங்குவதற்கு இக்கூட்டம் வன்மையாக கண்டனம் தெரிவிக்கிறது.

இவ்வாறு தீர்மானங்கள் நிறைவேற்றப்பட்டன.

இவண்
பொது நலன் நாடும்
அல்-அமீன் இளைஞர் நற்பணி மன்றம்
சதுக்கைத்தெரு, காயல்பட்டினம்.

இவ்வாறு அல்அமீன் இளைஞர் நற்பணி மன்றம் வெளியிட்டுள்ள அறிக்கையில் தெரிவிக்கப்பட்டுள்ளது.

தகவல்:
ரஜ்வி,
அல்அமீன் இளைஞர் நற்பணி மன்றம்,
காயல்பட்டினம்.
தொடர்பு எண்: +91 9629134474

{TAGS} alameen youth welfare association aywa aywa gb meeting iob atm ecr road

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:ஐஓபி வங்கியின் ஏடிஎம் இயந...
posted by K.D.N.MOHAMED LEBBAI (AL-KHOBAR) [13 March 2012]
IP: 46.*.*.*

Saudi Arabia | Comment Reference Number: 17643

அஸ்ஸலாமு அலைக்கும்

****** அல்அமீன் இளைஞர் நற்பணி மன்ற உறுபினர் யாவர்களுக்கும். முதலில் என் அன்பான நன்றி . உங்கள் நற்பணி மன்ற சேவைகள் மென்மேலும் தொடர வேணும் . வல்ல நாயன் கிருபை செய்வானாக ஆமீன்.

******** I . O . B. ATM சதுக்கைத் தெருவில் நிறுவ முயற்சி மேற்கொள்ளப்படும்! என்பதை அறியும் போது மனதுக்கு சந்தோஷமாக உள்ளது . இந்த பகுதி பெண்களுக்கு ரொம்ப வசதி.

******** எங்கள் தலை ஜனாப் SEYED KAKA அவர்கள் உள்ளார்கள். பார்த்து ரொம்ப மகிழ்சியானது. ( பார்த்து ரொம்பநாள் ஆகி விட்டது அல்லவா)

வஸ்ஸலாம்